რელიგია
მარტო კაცის სინაგოგა - 250 ლარი გადარჩენისთვის
17:32 / 30.09.2020
საუკუნის სინაგოგას ახალციხეში ქალაქში შემორჩენილი ერთადერთი ებრაელი უვლის. პანდემიის დროს დაცარიელებული სალოცავი შესაძლო კრიმინალის ობიექტი რომ არ გამხდარიყო, სიმონ ლევიშვილმა მუნიციპალიტეტის მერიას მიმართა თხოვნით, ვიდეოსათვალთვალო კამერებისთვის თანხა გამოეყო. ორთვიანი ლოდინის შემდეგ, ადგილობრივი ხელისუფლებისგან უარი მიიღო.
ახალციხის მერიაში ებრაელთა საზოგადოების თავმჯდომარის მიერ ხელმოწერილი განცხადება ჯერ კიდევ გაზაფხულზე შევიდა. ახალი კორონავირუსის გამო შექმნილი ვითარების მიუხედავად, მერიაში სინაგოგის დასახმარებლად თანხა ვერ გამოინახა, მათ შორის ვერც იმ სპეციალური მუხლიდან, სადაც საგანგებოდ კოვიდ19-ისთვის გაწერილი ბიუჯეტით 25 ათასი ლარია გათვალისწინებული.
ახალციხის მერიისგან განსხვავებით, სიმონ ლევიშვილის განცხადების შესახებ მეცხრე არხისგან შეიტყო კულტურული მემკვიდრეობის დაცვის ეროვნულმა სააგენტომ. სააგენტოს ხელმძღვანელი ფიქრობს, რომ სიმონ ლევიშვილის დახმარებას მხოლოდ მას შემდეგ შეძლებს, თუ იგი უწყებას ოფიციალურად მიმართავს.
ებრაელთა საზოგადოების თავმჯდომარეს 69 წლის ასაკში სიარული უჭირს, თუმცა ჯანმრთელობაზე მეტად მაინც სინაგოგის ბედი აწუხებს. ჩაკეტილმა საზღვრებმა სალოცავი ტურისტებისგან მიღებული შემოწირულობების გარეშე დატოვა. პანდემიამდე ეს შემოსავალი სამ ნაწილად - სინაგოგის დამსუფთავებელზე, ებრაული სასაფლაოს დარაჯსა და კომუნალურ ხარჯზე იყოფოდა. სიმონ ლევიშვილი იძულებული გახდა, დედა-შვილისთვის, რომელიც წლების წინ შეიფარა და რომელიც სალოცავის დასუფთავებასა და სასაფლაოს მოვლაში ეხმარებოდა, მშობლიურ სოფელში გაეშვა. საზოგადოების თავმჯდომარე ახალციხის მერიას კვლავ დახმარებას სთხოვს.
სინაგოგა, განსაკუთრებით ბოლო წლებში, მხოლოდ ტურისტების შემოწირულობით რომ არსებობდა, ამის შესახებ რელიგიის საკითხთა სახელმწიფო სააგენტოში კარგად იციან. სააგენტოს სამცხე-ჯავახეთის წარმომადგენელი 90-იან წლებს იხსენებს, როდესაც სინაგოგიდან რამდენიმე საუკუნის წინანდელი ხელნაწერი თორა მოიპარეს. მიუხედავად ამისა, ელვარდ ზაზაძე იმედოვნებს, რომ საზოგადოებრივი ორგანიზაციები სიმონ ლევიშვილის თხოვნას უყურადღებოდ არ დატოვებენ.
,,ვიდრე რამე საშუალება გამოიძებნება" და ვიდრე სახელმწიფო კულტურული მემკვიდრეობის ძეგლის დაცვას საზოგადოებრივი ორგანიზაციების იმედად დატოვებს, ებრაელთა საზოგადოების თავმჯდომარე სინაგოგის გადარჩენას დამოუკიდებლად ცდილობს. იმისთვის, რომ კულტურული მემკვიდრეობის ძეგლი და ებრაელთა 400 წლიანი სასაფლაო დაცული და სუფთა იყოს, თვეში მხოლოდ 250 ლარია საჭირო.
მოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე.
ახალციხის მერიაში ებრაელთა საზოგადოების თავმჯდომარის მიერ ხელმოწერილი განცხადება ჯერ კიდევ გაზაფხულზე შევიდა. ახალი კორონავირუსის გამო შექმნილი ვითარების მიუხედავად, მერიაში სინაგოგის დასახმარებლად თანხა ვერ გამოინახა, მათ შორის ვერც იმ სპეციალური მუხლიდან, სადაც საგანგებოდ კოვიდ19-ისთვის გაწერილი ბიუჯეტით 25 ათასი ლარია გათვალისწინებული.ახალციხის მერიისგან განსხვავებით, სიმონ ლევიშვილის განცხადების შესახებ მეცხრე არხისგან შეიტყო კულტურული მემკვიდრეობის დაცვის ეროვნულმა სააგენტომ. სააგენტოს ხელმძღვანელი ფიქრობს, რომ სიმონ ლევიშვილის დახმარებას მხოლოდ მას შემდეგ შეძლებს, თუ იგი უწყებას ოფიციალურად მიმართავს.
ებრაელთა საზოგადოების თავმჯდომარეს 69 წლის ასაკში სიარული უჭირს, თუმცა ჯანმრთელობაზე მეტად მაინც სინაგოგის ბედი აწუხებს. ჩაკეტილმა საზღვრებმა სალოცავი ტურისტებისგან მიღებული შემოწირულობების გარეშე დატოვა. პანდემიამდე ეს შემოსავალი სამ ნაწილად - სინაგოგის დამსუფთავებელზე, ებრაული სასაფლაოს დარაჯსა და კომუნალურ ხარჯზე იყოფოდა. სიმონ ლევიშვილი იძულებული გახდა, დედა-შვილისთვის, რომელიც წლების წინ შეიფარა და რომელიც სალოცავის დასუფთავებასა და სასაფლაოს მოვლაში ეხმარებოდა, მშობლიურ სოფელში გაეშვა. საზოგადოების თავმჯდომარე ახალციხის მერიას კვლავ დახმარებას სთხოვს.
სინაგოგა, განსაკუთრებით ბოლო წლებში, მხოლოდ ტურისტების შემოწირულობით რომ არსებობდა, ამის შესახებ რელიგიის საკითხთა სახელმწიფო სააგენტოში კარგად იციან. სააგენტოს სამცხე-ჯავახეთის წარმომადგენელი 90-იან წლებს იხსენებს, როდესაც სინაგოგიდან რამდენიმე საუკუნის წინანდელი ხელნაწერი თორა მოიპარეს. მიუხედავად ამისა, ელვარდ ზაზაძე იმედოვნებს, რომ საზოგადოებრივი ორგანიზაციები სიმონ ლევიშვილის თხოვნას უყურადღებოდ არ დატოვებენ.
,,ვიდრე რამე საშუალება გამოიძებნება" და ვიდრე სახელმწიფო კულტურული მემკვიდრეობის ძეგლის დაცვას საზოგადოებრივი ორგანიზაციების იმედად დატოვებს, ებრაელთა საზოგადოების თავმჯდომარე სინაგოგის გადარჩენას დამოუკიდებლად ცდილობს. იმისთვის, რომ კულტურული მემკვიდრეობის ძეგლი და ებრაელთა 400 წლიანი სასაფლაო დაცული და სუფთა იყოს, თვეში მხოლოდ 250 ლარია საჭირო.
მოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე.