მულტიმედია
შერჩევითი რეგულაციები წინასაარჩევნოდ
საქართველოში კორონავირუსის მეორე ტალღის დაწყების შემდეგ ჯანდაცვის სამინისტრომ ათ კაცზე მეტი ადამიანის შეკრება აკრძალა. რეკომენდაცია არ ვრცელდება მხოლოდ პოლიტიკურ შეკრებებზე. მსგავსი შეხვედრის დროს მონაწილეებს პირბადის ტარებისა და ორმეტრიანი დისტანციის დაცვის რეკომენდაცია მიეცა.

ჯანდაცვის სამინისტროს მიერ დადგენილი რეგულაციების თანახმად, დახურულ და ღია სივრცეში ათზე მეტი ადამაინის შეკრება, მხოლოდ პოლიტიკურ შეკრებებს არ ეხება. მოსახლეობის აზრით, მთავრობის ეს გადაწყვეტილება დისკრიმინაციულია. ისინი მიიჩნევენ, რომ დადგენილ რეგულაციას ყველა თანაბრად უნდა დაემორჩილოს, მათ შორის პოლიტიკური პირებიც.


მოსახლეობასთან შეხვედრების დროს, კანდიდატები დისტანციას იცავენ და პირბადეს იყენებენ. თუმცა, იქიდან გამომდინარე, რომ 10 კაციანი შეზღუდვა პოლიტიკურ შეკრებებს არ ეხება, პარტიების გეგემების მოსასმენად ამომრჩეველი შეხვედრაზე შეუზღუდავი რაოდენობით მიდის.

კანდიდატების ნაწილი თვლის, რომ დისტანციის დაცვა საკმარისია, მეორე ნაწილი კი ამბობს, რომ საქართველოში შექმნილი მდგომარეობიდან გამომდინარე, მოსახლეობის დიდი რაოდენობით ერთად შეკრება საფრთხის შემცველია, ამიტომ ისინი თავიან გეგმებს მოსახლეობას „კარდაკარ“ აცნობენ.


შეზღუდვების პერიოდში აუცილებელია ჯანდაცვის სამინისტროს მიერ დადგენილი რეგულაციები თითოეულმა მოქალაქემ დავიცვათ–აცხადებს არასათავრობო ორგანიზაცია „დემოკრატ–მესხთა კავშირის“ ხელმძღვანელი. თუმცა გიორგი ანდღულაძე მიიჩნევს, რომ წინასაარჩევნო პერიოდში მოსახლეობასთან შეხვედრების აკრძალვა შეუძლებელია. მისივე თქმით, იმ შემთხვევაში თუ შეზღუდვები საარჩევნო კამპანიის გამართვასაც შეეხება, მაშინ ქვეყანას არჩევნების გადადება იქამდე მოუწევს, სანამ საქართველოში ეპიდსიტუცია არ დასტაბილურდება.

“სახელმწიფო ორი არჩევანის წინაშე დგას. პირველი - უნდა ებრძოლოს ამ პანდემიას და მეორე - თანაბარ გარემოში ჩაატაროს საარჩევნო კომპანია და მიცეს პარტიებს უფლება ჩაატარონ საარჩევნო კამპანია. თუ ჩვენ ავკრძალავთ პარტიებისა და კანდიდატების მოსახლეობასთან შეხვედრებს, მაშინ პირდაპირ უარი უნდა ვთქვათ არჩევნებზე.“- ამბობს გია ანდღულაძე.

საქართველოში კორონავირუსის მეორე ტალღის დაწყების შემდეგ, სახელმწიფომ შედარებით მსუბუქი რეგულაციები გამოსცა. ამ დროისათვის, რეკომენდაციების გამკაცრება არ იგეგმება და მხოლოდ მათ დაცვაზეა მკაცრი მოთხოვნები დაწესებული. რამდენად არის მზად ქვეყანა პანდემიის პირობებში არჩევნების ჩასატარებლად, ეს ცნობილი 31 ოქტომბრის შემდეგ გახდება.მოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე
Facebook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.