სპორტი
"ტაოს“ მორაგბეები პრინციპული მატჩისთვის ემზადებიან
მესხი მორაგბეები პირველი ლიგის XII ტურის საშინაო შეხვედრას გამართავენ.

„ტაო“ ოზურგეთის ,,არწივებს" 9 მარტს, 15:00 საათზე შეერკინება.

ჯერ არ გადაწყვეტილა, სად გაიმართება თამაში - ახალციხეში თუ ასპინძაში. 

კლუბის პრეზიდენტის თქმით, ეს შეხვედრა მესხი მორაგბეებისთვის პრინციპულია.

„პირველ ლიგაში გადმოსვლისას ვთქვით, რომ მაქსიმუმ, ოთხეულში მოვხვდებოდით. აქ კი ჩვენი ძირითადი კონკურენტი არის ოზურგეთი, რადგან ერთნაირი ქულები გვაქვს“, - განაცხადა ირაკლი გვენეტაძემ.

იგი მოქალაქეებს მატჩზე ეპატიჟება. პირველ ლიგაში მორაგბეებს გულშემატკივრების მხარდაჭერა დასჭირდებათ.
| Print |