თვითდასაქმებული მალხაზ გაბოძე ერთ-ერთი საცხობის თანამშრომელია. საგანგებო მდგომარეობის გამოცხადების შემდეგ, უმუშევარია და ამ დრომდე შემოსავლის გარეშეა დარჩენილი. გაარკვია, რომ სახელმწიფოს მიერ თვითდასაქმებულებისთვის დაწესებული ერთჯერადი, 300-ლარიანი დახმარება მას არ ეკუთვნის. მალხაზ გაბოძე ამბობს, რომ სურვილის შემთხვევაში, სახელმწიფოს მარტივად შეუძლია დაადგინოს, ჰქონდა თუ არა მას შემოსავალი და ეკუთვნის თუ არა კომენსაცია. ადგილობრივი გვიყვება, რომ მსგავს მდგომარეობაშია საქართველოში თვითდასაქმებულთა უმეტესობა.