402 ბრუნი და მსოფლიო რეკორდი – ახალციხის მუნიციპალიტეტის სოფელ წყუთის მცხოვრებმა 25 წლის არტაშეს ელბაქიანმა ძელზე ტრიალში გინესის რეკორდი მოხსნა. ახალგაზრდა სპორტსმენის მხარდასაჭერად მოსახლეობა ახალციხის ციხის ქვედა ნაწილში შეიკრიბა, სადაც რეკორდის დასამყარებლად ჰორიზონტალური ძელი იყო დამონტაჟებული. რეკორდსმენს გეგმაში 300 ტრიალის გაკეთება ჰქონდა, თუმცა დაგეგმილს 102–ით გადააჭარბა.