ტურიზმის სფეროს კიდევ ერთი ჯაჭვი ის დაზარალებული მძღოლები არიან, ვინც საკუთარი ავტომობილით თუ სამარშრუტო ტაქსით ტურისტებს ემსახურებოდნენ. ფიზიკური პირები სასტუმროებთან და ტურისტულ სააგენტოებთან თანამშრომლობდნენ და უცხო ქვეყნის მოქალაქეებთან, მძღოლობასთან ერთად, გიდის პროფესიასაც ითავსებდნენ. თემურ სანდროშვილი ერთერთი მათგანია, რომელიც შემოსავლისა და სახელმწიფო დახმარების გარეშე დარჩა. "მეცხრე არხთან" თვითდასაქმებული იმ სისტემურ ლაფსუსებზე საუბრობს, რომლის წინაშეც კორონავირუსის გამო, ერთის მხრივ მოქალაქეები და მეორეს მხრივ სახელმწიფო აღმოჩნდა.