10-წლიანი ემიგრაციის ყველაზე რთული პერიოდი ასმათ ბუცხრიკიძისთვის ბოლო სამი თვე აღმოჩნდა. ქართველ ქალს, რომელსაც თურქეთის ქალაქ სტამბულში ქართული კაფე ჰქონდა გახსნილი, მუშაობის განახლებას ვერ ახერხებს. შემოსავლის გარეშე დარჩენილ ემიგრანტს, ფართის ქირისა და გადასახდელების სამთვიანი დავალიანება აქვს გასასტუმრებელი. ამის გამო, საქართველოში დარჩენილი ოჯახისთვის, სამი თვეა თანხა არ გამოუგზავნია. პანდემიის დროს, ასმათ ბუცხრიკიძემ, სამშობლოში დაბრუნება ვერ შეძლო.