ტურისტული ტრანსპორტისთვის დადგენილი სტანდარტები საქალაქთაშორისო ტრანსპორტისთვის დაწესებულ რეგულაციებს უთანაბრდება, - აღნიშნული გადაწყვეტილება უწყებათაშორისი საკოორდინაციო საბჭოს სხდომაზე მიიღეს. ტურისტების გადაადგილების წესი იყო ერთ-ერთი საკითხი, რამაც ტუროპერატორების უკმაყოფილება გამოიწვია. ამის გამო, საკოორდინაციო საბჭომ ეს რეგულაცია გაამარტივა. ცვლილებას მიესალმებიან ტურისტული კომპანიები. თრეველერ.ჯი-ს (Traveler.GE) დამფუძნებელი ამბობს, რომ შიდა ტურებზე მოთხოვნა 30%-ით არის გაზრდილი.