რეგიონი
წყლის ქსელზე მიერთების საფასური სამცხე-ჯავახეთშიც მცირდება
19:43 / 19.01.2020
საქართველოს რეგიონების უმრავლესობაში წყალმომარაგების ქსელზე მიერთების საფასური იცვლება. საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) განიხილავს პაკეტს, რომელიც მუნიციპალიტეტებში ქსელზე მიერთების საფასურის 100 ლარით შემცირებას გულისხმობს. რაც შეეხება თვითმმართველ ქალაქებს, მიუხედავად სამუშაოების სირთულისა, სემეკი მიერთების საფასურს უცვლელად შეინარჩუნებს. ცვლილება არ შეეხება თბილისს, ქუთაისს, ფოთს, რუსთავსა და ბათუმს.
„საყოფაცხოვრებო მომხმარებლებისათვის ქსელზე მიერთების ხელმისაწვდომობა რომ გაზრდილიყო, შევიმუშავეთ პაკეტი, რომლის მიხედვითაც მუნიციპალიტეტებში მიერთების საფასური 400 ლარით განისაზღვრა. აქამდე 500 ლარი იყო. ამასთანავე, კომპანია ვალდებული იქნება, მომხმარებლის მოთხოვნის შემთხვევაში, მიერთების საფასური 2 წელზე გაუნაწილოს. მიერთების საფასურის შემცირებაა დაგეგმილი იმ მსხვილი მომხმარებლებისთვისაც, რომლებიც საჭიროებენ დიდი დიამეტრის მილსადენებს. 100 და 150 მილიმეტრიან წყალარინების მილსადენებზე მიერთების აქამდე მოქმედ საფასურებს შორის დიდი სხვაობა იყო რაც რიგ შემთხვევებში სადავო ხდებოდა. შესაბამისად, ეს სხვაობა დაბალანსდა წყალარინების დიდი დიამეტრის მილსადენების მიერთების საფასურის შემცირებით. მაგალითისათვის 150 მმ წყალარინების მილის მიერთება თვითმმართველი ქალაქებისთვის 39%-ით მცირდება, ხოლო სხვა მუნიციპალიტეტებისთვის 57%-ით“, - განაცხადა სემეკის წევრმა, გიორგი ფანგანმა.
ქსელზე მიერთების ტარიფი დიამეტრებზეა დამოკიდებული. "საქართველოს გაერთიანებული წყალმომარაგების კომპანიაში" ამბობენ, რომ ცვლილება შეეხო ყველა აბონენტს, რომელსაც ისინი ემსახურებიან.
"აქამდე იყო 500, 550, 600, 650, 3 200 და 3 500 ლარიანი ტარიფი. დამოკიდებული იყო დიამეტრზე. ქსელიდან 100 მეტრის რადიუსში ეს ტარიფები მოქმედებდა. მაგალითად, 50 და 15 დიამეტრიანი ღირდა 500, ახლა გახდება 400 ლარი", - გვითხრა კომპანიის რეგიონულმა მენეჯერმა ბესიკ ფილაურმა.
„საყოფაცხოვრებო მომხმარებლებისათვის ქსელზე მიერთების ხელმისაწვდომობა რომ გაზრდილიყო, შევიმუშავეთ პაკეტი, რომლის მიხედვითაც მუნიციპალიტეტებში მიერთების საფასური 400 ლარით განისაზღვრა. აქამდე 500 ლარი იყო. ამასთანავე, კომპანია ვალდებული იქნება, მომხმარებლის მოთხოვნის შემთხვევაში, მიერთების საფასური 2 წელზე გაუნაწილოს. მიერთების საფასურის შემცირებაა დაგეგმილი იმ მსხვილი მომხმარებლებისთვისაც, რომლებიც საჭიროებენ დიდი დიამეტრის მილსადენებს. 100 და 150 მილიმეტრიან წყალარინების მილსადენებზე მიერთების აქამდე მოქმედ საფასურებს შორის დიდი სხვაობა იყო რაც რიგ შემთხვევებში სადავო ხდებოდა. შესაბამისად, ეს სხვაობა დაბალანსდა წყალარინების დიდი დიამეტრის მილსადენების მიერთების საფასურის შემცირებით. მაგალითისათვის 150 მმ წყალარინების მილის მიერთება თვითმმართველი ქალაქებისთვის 39%-ით მცირდება, ხოლო სხვა მუნიციპალიტეტებისთვის 57%-ით“, - განაცხადა სემეკის წევრმა, გიორგი ფანგანმა.
ქსელზე მიერთების ტარიფი დიამეტრებზეა დამოკიდებული. "საქართველოს გაერთიანებული წყალმომარაგების კომპანიაში" ამბობენ, რომ ცვლილება შეეხო ყველა აბონენტს, რომელსაც ისინი ემსახურებიან.
"აქამდე იყო 500, 550, 600, 650, 3 200 და 3 500 ლარიანი ტარიფი. დამოკიდებული იყო დიამეტრზე. ქსელიდან 100 მეტრის რადიუსში ეს ტარიფები მოქმედებდა. მაგალითად, 50 და 15 დიამეტრიანი ღირდა 500, ახლა გახდება 400 ლარი", - გვითხრა კომპანიის რეგიონულმა მენეჯერმა ბესიკ ფილაურმა.