რეგიონი
სომხეთში კორონავირუსით ინფიცირებული 200-მდე ადამიანი ჰოსპიტალიზაციის რიგს ელოდება - ნიკოლ ფაშინიანი
13:56 / 07.06.2020
სომხეთში გასული დღე-ღამის განმავლობაში კორონავირუსის 766 ახალი შემთხვევა გამოვლინდა. ამრიგად, ქვეყანაში დაინფიცირების საერთო რიცხვმა 13 130-ს მიაღწია.
ამჟამად, სომხეთში მკურნალობა 8 844 პაციენტს უტარდება. ბოლო მონაცემებით, ვირუსისგან 4 014 ადამიანი განიკურნა.
რაც შეეხება გარდაცვლილთა სტატისტიკას, სომხეთში ბოლო დღე-ღამეში კიდევ 10 პაციენტი დაიღუპა და ფატალური შემთხვევების საერთო რიცხვი 200-მდე გაიზარდა.
სომხეთის პრემიერ-მინისტრმა ნიკოლ ფაშინიანის თქმით, ვალდებულია მოსახლეობას უთხრას სიმართლე, მითუმეტეს კორონავირუსთან დაკავშირებული სიტუაციის შესახებ, „რამდენად მწარეც არ უნდა იყოს ეს სიმართლე“.
„სამწუხაროდ, დღეისათვის რესპუბლიკაში კორონავირუსით ინფიცირებული დაახლოებით 200 ადამიანი ჰოსპიტალიზაციის რიგს ელოდება. ჩვენი ჯანდაცვის სისტემა ისეა გადატვირთული, რომ საავადმყოფოებში ვერ იღებენ იმ პაციენტებს, რომლებიც ჰოსპიტალიზაციას საჭიროებენ. მეტსაც გეტყვით, უკვე ჩვენ გვქონდა შემთხვევა, როცა სამედიცინო დახმარების აღმოჩენის დაგვიანების გამო, ადამიანი დაიღუპა“, - განაცხადა ფაშინიანმა.
მისივე თქმით, ასევე ორი შემთხვევა იყო გარდაცვალების, როდესაც პაციენტები საჭიროებდნენ რეანიმაციაში მოთავსებას, თუმცა რეანიმაციაში ადგილები არ იყო.
ამასთან, როგორც ფაშინიანმა აღნიშნა, ქვეყანა უკვე კრიტიკულ სიტუაციამდე მივიდა.
„დღეს ჩვენ ახლოს ვიყავით, მიგვეღო გადაწყვეტილება ტოტალური კარანტინის შემოღების თაობაზე, თუმცა საბოლოო ჯამში მივედით იმ დასკვნამდე, რომ ეს გადაწყვეტილება სასურველ შედეგს ვერ გამოიღებს“, - აღნიშნა სომხეთის პრემიერმა.
ამჟამად, სომხეთში მკურნალობა 8 844 პაციენტს უტარდება. ბოლო მონაცემებით, ვირუსისგან 4 014 ადამიანი განიკურნა.
რაც შეეხება გარდაცვლილთა სტატისტიკას, სომხეთში ბოლო დღე-ღამეში კიდევ 10 პაციენტი დაიღუპა და ფატალური შემთხვევების საერთო რიცხვი 200-მდე გაიზარდა.
სომხეთის პრემიერ-მინისტრმა ნიკოლ ფაშინიანის თქმით, ვალდებულია მოსახლეობას უთხრას სიმართლე, მითუმეტეს კორონავირუსთან დაკავშირებული სიტუაციის შესახებ, „რამდენად მწარეც არ უნდა იყოს ეს სიმართლე“.
„სამწუხაროდ, დღეისათვის რესპუბლიკაში კორონავირუსით ინფიცირებული დაახლოებით 200 ადამიანი ჰოსპიტალიზაციის რიგს ელოდება. ჩვენი ჯანდაცვის სისტემა ისეა გადატვირთული, რომ საავადმყოფოებში ვერ იღებენ იმ პაციენტებს, რომლებიც ჰოსპიტალიზაციას საჭიროებენ. მეტსაც გეტყვით, უკვე ჩვენ გვქონდა შემთხვევა, როცა სამედიცინო დახმარების აღმოჩენის დაგვიანების გამო, ადამიანი დაიღუპა“, - განაცხადა ფაშინიანმა.
მისივე თქმით, ასევე ორი შემთხვევა იყო გარდაცვალების, როდესაც პაციენტები საჭიროებდნენ რეანიმაციაში მოთავსებას, თუმცა რეანიმაციაში ადგილები არ იყო.
ამასთან, როგორც ფაშინიანმა აღნიშნა, ქვეყანა უკვე კრიტიკულ სიტუაციამდე მივიდა.
„დღეს ჩვენ ახლოს ვიყავით, მიგვეღო გადაწყვეტილება ტოტალური კარანტინის შემოღების თაობაზე, თუმცა საბოლოო ჯამში მივედით იმ დასკვნამდე, რომ ეს გადაწყვეტილება სასურველ შედეგს ვერ გამოიღებს“, - აღნიშნა სომხეთის პრემიერმა.