რეგიონი
ლიეტუვა, ლატვია და ესტონეთი რუსეთის მოქალაქეებს თავიანთ ტერიტორიებზე შესვლას უზღუდავენ
21:45 / 07.09.2022
ევროკავშირის წევრი ქვეყნები, ლიეტუვა, ლატვია და ესტონეთი შეთანხმდნენ, რომ რუსეთიდან და ბელარუსიდან ჩასულ მოქალაქეებს თავიანთი ქვეყნების ტერიტორიებზე შესვლა შეუზღუდონ, - ამის შესახებ აღნიშნული ქვეყნების საგარეო საქმეთა მინისტრებმა განაცხადეს.
ბალტიისპირეთის სამი ქვეყანა იმედოვნებს, რომ შესვლის აკრძალვა სექტემბრის შუა რიცხვებში ამოქმედდება, მას შემდეგ რაც ახალ წესს მთავრობები ოფიციალურად დაამტკიცებენ.
"ბოლო რამდენიმე კვირაში და თვეში მკვეთრად გაიზარდა რუსეთის იმ მოქალაქეების მიერ საზღვრის გადმოკვეთა, რომლებსაც შენგენის ვიზა აქვთ. ეს ხდება საზოგადოებრივი უსაფრთხოების საკითხი, ეს ასევე მორალური და პოლიტიკური ხასიათის საკითხიცაა", - განაცხადა ლატვიის საგარეო საქმეთა მინისტრმა, ედგარს რინკევიჩმა.
ქვეყნები უკან დააბრუნებენ რუსეთის ყველა მოქალაქეს, ვისაც ევროკავშირის შენგენის ღია სასაზღვრო ზონაში შესასვლელი ვიზა აქვს. გამონაკლისი შეეხებათ ჰუმანიტარული და ოჯახური მიზეზების გამო შესვლის მსურველებს, სატვირთო ავტომობილების მძღოლებსა და დიპლომატებს.
"ინტერპრესნიუსი"
ბალტიისპირეთის სამი ქვეყანა იმედოვნებს, რომ შესვლის აკრძალვა სექტემბრის შუა რიცხვებში ამოქმედდება, მას შემდეგ რაც ახალ წესს მთავრობები ოფიციალურად დაამტკიცებენ.
"ბოლო რამდენიმე კვირაში და თვეში მკვეთრად გაიზარდა რუსეთის იმ მოქალაქეების მიერ საზღვრის გადმოკვეთა, რომლებსაც შენგენის ვიზა აქვთ. ეს ხდება საზოგადოებრივი უსაფრთხოების საკითხი, ეს ასევე მორალური და პოლიტიკური ხასიათის საკითხიცაა", - განაცხადა ლატვიის საგარეო საქმეთა მინისტრმა, ედგარს რინკევიჩმა.
ქვეყნები უკან დააბრუნებენ რუსეთის ყველა მოქალაქეს, ვისაც ევროკავშირის შენგენის ღია სასაზღვრო ზონაში შესასვლელი ვიზა აქვს. გამონაკლისი შეეხებათ ჰუმანიტარული და ოჯახური მიზეზების გამო შესვლის მსურველებს, სატვირთო ავტომობილების მძღოლებსა და დიპლომატებს.
"ინტერპრესნიუსი"