Ընտանեկան բռնության մեղադրանքով ձերբակալված միջին տարիքի տղամարդը գրավի դիմաց դուրս է եկել ժամանակավոր տեղակայման մեկուսարանից: Ախալցիխեի շրջանային դատարանը բավարարեց պաշտպանական կողմի միջնորդությունը եւ ամբաստանյալի նկատմամբ որպես խափանման միջոց կիրառեց 4000 լարի գրավ: Մեղադրող կողմը պահանջում էր կալանավորին ազատ չարձակել:
Նոդար Ակոփաշվիլին պաշտպանում է ձերբակալվածի շահերը: Փաստաբանի խոսքով ՝ մեղադրյալն արդեն վճարել է գումարը եւ մոր հետ գտնվում է ազգականի տանը:
Նոդար Ակոփաշվիլին ասում է, որ իր պաշտպանյալը միայն պաշտպանվում էր, սա հաստատում է նաև Գ.Ա.-ի իրավիճակը՝ նրա մարմնի վրա հաստատվել է 18 տեսակի մակերեսային վնասվածք: Ուստի փաստաբանը պահանջում է փոխել գործի որակավորումը և հարսին պատասխանատվության ենթարկել:
Լրատվամիջոցի մոտ մեկնաբանություններ չեն անում տուժած կնոջ հարսն ու թոռները:
Մեղադրյալի մայրը 89-ամյա կին է, ով վիրավորվել է միջադեպի արդյունքում և տեղափոխվել է կլինիկա: Նրան շնորհվել է զոհի կարգավիճակ: Կինն ասում է, որ բռնության է ենթարկվել իր հարսի ու թոռների կողմից:
ՆԳՆ-ն մանրամասների մասին չի խոսում և միայն ասում է, որ հետաքննությունը սկսվել է Քրեական օրենսգրքի 126-րդ հոդվածի առաջին մասով, որը ենթադրում է բռնություն անչափահասի, անօգնական մարդու, հաշմանդամություն ունեցող անձի կամ հղի կնոջ նկատմամբ: