Գնահատման և քննությունների ազգային կենտրոնը սկսել է հրապարակել դիմորդների աշխատություններն ու միավորները։ Հրապարակվեցին վրաց լեզվի և գրականության, ինչպես նաև օսերենի քննության առաջին արդյունքները։

Իր արդյունքը պարզելու համար դիմորդը պետք է մուտք գործի online.naec.ge կայք, համապատասխան դաշտում նշի իր անձնական համարն ու հնգանիշ գաղտնաբառը։

«Անձնական էջում դիմորդը հնարավորություն կունենա տեսնելու իր աշխատության պատճենը եւ կոնկրետ առարկայից ստացած նախնական միավորը։ Միասնական ազգային քննությունների վերջնական արդյունքները կհրապարակվեն հայտերի վերանայումից, միավորների հավասարեցումից և բաշխումից հետո։

Դիմորդները կկարողանան իմանալ արդյունքները կարճ տեքստային հաղորդագրության միջոցով: Դրա համար դիմորդը իր բջջային հեռախոսից (Jeocell) պետք է ուղարկի իր քննության նույնականացման համարը 93333 համարին (հաշիվից 0,50 լարի սպասարկման վճար կգանձվի այնքան անգամ, որքան բաժանորդը ուղարկի հաղորդագրություն):

Վրաց լեզվի և գրականության, ինչպես նաև օսերենի թեստի առավելագույն միավորը 60 է: Դիմորդը կհամարվի այս առարկան անցած, եթե միավորները հավասարեցնելուց հետո նրա միավորը կլինի առավելագույն միավորի 25%-ից ավելի:

Բողոքարկման դիմումները կսկսվեն բոլոր քննությունների արդյունքների հրապարակումից հետո: Հայտերն ընդունվում են էլեկտրոնային եղանակով՝ online.naec.ge կայքում»,- նշված է Գնահատման և քննությունների ազգային կենտրոնի տեղեկատվության մեջ։