საზოგადოება
მწვანე ქალაქის იდეა
ახალციხის, როგორც მწვანე ქალაქის იდეა ტრანსპორტის, წყალმომარაგებისა და წყალარინების, მყარი მუნიციპალური და სამრეწველო ნარჩენების, ენერგეტიკისა და მშენებლობის სფეროებში არსებული გამოწვევების დაძლევას გულისხმობს.
ახალციხელები ქალაქში მწვანე საფარს ითხოვენ, ხელისუფლება კი განხორციელებულ აქტივობებზე ამახვილებს ყურადღებს.

მწვანე საფარის დაგება, კლიმატთან შესაბამისი ხეების დარგვა და მათი მოვლა-პატრონობა, ნარჩენების გატანა, სუფთა ჰაერი - ეს ის ძირითადი საკითხებია, რომლის მოგვარებასაც ახალციხეში ითხოვენ.

,,ახალციხე მწვანე ქალაქი იყო. ნერგებს კი რგავენ, თუმცა არ უვლიან, მერე კი იყინება, და ხმება. სადაც გახმება, უნდა ამოძირკვონ და ახალი ჩარგონ, სუფთა ჰაერი გვჭირდება“ - ამბობს ციცო მავზარაშვილი.

ქალაქის გამწვანება ზურა ველიჯანიშვილისთვისაც პრობლემაა. იგი აქცენტს ტურიზმსა და წიწვოვანი ნარგავების სიმრავლეზე აკეთებს. ,,ჯერ ჩვენთვის არის აუცილებელი ქალაქის გამწვანება. ჰაერი, რომ გასუფთავდეს წიწვოვანი მცენარეების დარგვა აუცილებელია, ტურისტისთვისაც კარგი იქნება მწვანე გარემო“.

ვახტანგ ვარდიძისთვის ერთ-ერთ ძირითად პრობლემად, ნარგავებთან ერთად ქალაქში ჟანგბადის ნაკლებობა წარმოადგენს.



ახალციხის მუნიციპალიტეტის მერიაში ამბობენ, რომ ქალაქის გამწვანება ყოველწლიურად მიმდინარეობს. ქალაქის მასშტაბით, ძირითადად, არყის, წაბლისა და ცაცხვის ხეებს რგავენ. გასულ წელს გამწვანება კოსტავას ქუჩაზე, ცენტრალურ პარკსა და სკვერებში მიმდინარეობდა.

გასულ წელს ყველაზე მეტი 186 ცალი მრავალწლიანი ნერგი ცაცხვის, ნეკერჩხლის, ფიჭვის, მუხის, ცხენის წაბლისა და ტირიფის ნერგები ახალციხის ტბაზე დაირგო.

დარგვასთან ერთად 2017 წელს ახლციხის მერიამ ქალაქის ქუჩებზე ხეები გადაბელა, ზოგიერთი მათგანი კი მოჭრა.

,,ატმოსფერული ჰაერის დამაბინძურებელი ნივთიერებებია: აზოტის ოქსიდები, გოგირდის დიოქსიდი, ნახშირჟანგი, მყარი შეწონილი ნაწილაკები, ოზონი და სხვა“ - ვკითხულობთ გარემოს ეროვნული სააგენტოს გარემოს დაბინძურების მონიტორინგის დეპარტამენტის 2017 წლის მონაცემებში.

ამავე წელს ახალციხეში ჰაერის კვლევა ჩატარდა, რის მიხედვით, დამაბინძურებელი ნივთიერებების გოგირდის დიოქსიდის, ოზონისა და აზოტის დიოქსიდის დაბალი და საშუალო მაჩვენებელი დაფიქსირდა. კვლევა ოთხ ეტაპად, ქალაქის სამ წერტილში ჩატარდა.

გასულ წელს, მოსახლეობას საშუალება მიეცა პროექტის ,,დაგეგმე მუნიციპალიტეტის ბიუჯეტის“ ფარგლებში საკუთარი პროექტები გამწვანების შესახებაც წარედგინა. ახალციხელმა თამუნა კაპანაძემ საკუთარი ინიციატივა წარადგინა, რაც 2019 წლის ახალციხის მუნიციპალიტეტის ბიუჯეტშია გათვალისწინებული.

,,გეოგრაფიული არეალის გამო, რადგან ქვაბულში ვცხოვრობთ, ჩვენთან მტვერი და ქარი მუდმივად არის. გამწვანება ერთ-ერთი საშუალებაა, რომ დაბინძურება თავიდან ავიცილოთ. ქალაქში მწვანე წერტილები ბევრი არაა, ამიტომ მუდმივად გამწვანებაზე საუბარი მიწევს“ - ამბობს თამუნა კაპანაძე.



პროექტის ავტორობის გარდა თამუნა კაპანაძე გარემოს დაცვითი არასამთავრობო ორგანიზაცია სენის წარმომადგენელიც არის. სასკოლო პროექტებს ახორციელებს და სკოლის მოსწავლეებთან ერთად დასუფთავებისა და გამწვანების აქციაში ერთვება.

,,მწვანე გარემოს გარეშე არსებობა შეუძლებელია. ამიტომ უნდა გავუფრთხილდეთ და ვიზრუნოთ მასზე“- ამბობს სენის მონაწილე, პირველი სკოლის მოსწავლე თაკო თათეშვილი.

გარემოსდაცვითი ზედამხედველობის დეპარტამენტის სამცხე-ჯავახეთის რეგიონული სამმართველოს მონაცემებით, 2018 წლის 1 იანვრიდან დღემდე ხის უკანონო ჭრის 29 ადმინისტრაციული სამართალდარღვევისა და სისხლის სამართლის დანაშაულის შესახებ ექვსი ოქმი გამოიცა. 2018 წლის ოქტომბერში რაბათის უბანში 11 ხე აგრეთვე უკანონოდ მოიჭრა.
Print E-mail
FaceBook Twitter Google
ამავე კატეგორიაში
დიდთოვლობის გამო, ახალციხე-ნინოწმინდისა და ახალქალაქი-კარწახის გზებზე მისაბმელიანი და ნახევრადმისაბმელიანი ტრანსპორტის, ასევე, 30 ადგილზე მეტი ტევადობის ავტობუსების მოძრაობა აიკრძალა.
დიდთოვლობის გამო, ახალციხე-ნინოწმინდისა და ახალქალაქი-კარწახის გზებზე მისაბმელიანი და ნახევრადმისაბმელიანი ტრანსპორტის, ასევე, 30 ადგილზე მეტი ტევადობის ავტობუსების მოძრაობა აიკრძალა.
12:34 / 24.03.2019
სოფელ ჭაჭარაქში ახლა საგაზაფხულო სამუშაოებია. დილიდან საღამომდე თითქმის ყველა გლეხი მიწაზე მუშაობს.
სოფელ ჭაჭარაქში ახლა საგაზაფხულო სამუშაოებია. დილიდან საღამომდე თითქმის ყველა გლეხი მიწაზე მუშაობს.
00:00 / 24.03.2019
ავტოსაგზაო შემთხვევა მოხდა  ლიკანში, სადაც ერთმანეთს ნივის მარკისა და წითელი ფერის მიკროავტობუსი შეეჯახნენ.
ავტოსაგზაო შემთხვევა მოხდა ლიკანში, სადაც ერთმანეთს ნივის მარკისა და წითელი ფერის მიკროავტობუსი შეეჯახნენ.
17:58 / 23.03.2019
სამი შვილის დედა ნათია პაპავა ახალციხეში, ე.წ. დევნილთა დასახლების უბანში ცხოვრობს. ყოველდღე 7 საათზე დგება, იმისათვის, რომ შვილები ასაუზმოს,
სამი შვილის დედა ნათია პაპავა ახალციხეში, ე.წ. დევნილთა დასახლების უბანში ცხოვრობს. ყოველდღე 7 საათზე დგება, იმისათვის, რომ შვილები ასაუზმოს,
17:10 / 23.03.2019
ზიკილიაში მცხოვრები ვანო გელაშვილი ყოველ დილით ონკანს მარლის სახვევს უკეთებს, რათა შვილებმა დალევის დროს, წყალს, ქვიშა და ჭუჭყი არ მიაყოლონ.
ზიკილიაში მცხოვრები ვანო გელაშვილი ყოველ დილით ონკანს მარლის სახვევს უკეთებს, რათა შვილებმა დალევის დროს, წყალს, ქვიშა და ჭუჭყი არ მიაყოლონ.
16:26 / 23.03.2019
Facebook
კვირის პოპულარული
აბასთუმანში ტუბსაავადმყოფო დაიხურა
18:26 / 22.03.2019
აბასთუმნის ტუბსაწინააღმდეგო საავადმყოფოს 25-ვე პაციენტი ტოვებს.
გეგმიური სარეაბილიტაციო სამუშაოების გამო, ელექტროენერგიის მიწოდება შეეზღუდება „ენერგო-პრო ჯორჯიას“ აბონენტების ნაწილს
17:11 / 18.03.2019
გამანაწილებელ ქსელში დაგეგმილი სარეაბილიტაციო სამუშაოების გამო 19 მარტს ელექტროენერგიის მიწოდება
დოკუმენტური ფილმი
Phatman sews a blanket for a neighbor.
სრულად
19:00 / 18.01.2019
ხალხის აზრით
რამ განაპირობა ფეხბურთის გუნდის დაშლა?
10:11 / 16.03.2019
ახალციხის საფეხბურთო კლუბი 2005 წელს დაარსდა.
ახალი ამბები სომხურ ენაზე
საინფორმაციო გამოშვება
ამინდი
ახალციხე -2 - 7 °C
img
ახალქალაქი -5 - 3 °C
img
ასპინძა -3 - 6 °C
img
ადიგენი 3 - 7 °C
img
ბორჯომი -1 - 8 °C
img
თბილისი 2 - 10 °C
img
აბასთუმანი -4 - 2 °C
img
ბაკურიანი -5 - -1 °C
img
ნინოწმინდა -5 - 3 °C
img
ვალუტა
EUR
EUR
1
3.0327
TRY
TRY
1
0.4830
USD
USD
1
2.6821
RUB
RUB
100
4.1751
კალენდარი
დონორები