მტკიცებულებების არარსებობა თუ დანაშაულის სიმძიმე – ინციდენტის ორი მხარე
21:27 / 04.12.2017
"ჯინო ველნესის" დირექტორი, გამოძიების დასრულებამდე მედიასთან კომენტარს არ აკეთებს. მეცხრე არხს კითხვები მასთან, რესტორანში მომხდარი
ინციდენტის დეტალებზე ჰქონდა. პირველ დეკემბერს, ახალგაზრდებსა და "ბრითიშ პეტროლიუმის" თანამშრომლებს შორის სიტყვიერი შელაპარაკება ფიზიკურ დაპირისპირებაში გადაიზარდა, რის გამოც სამართალდამცველებმა ხუთი ახალგაზრდა დააკავეს.
მოსამართლე გოჩა ჯეირანაშვილმა ოთხ მათგანს აღკვეთის ღონისძიებად პატიმრობა შეუფარდა, ხოლო მეხუთეს 30 ათას ლარიანი გირაოს გადახდა 30 დღის ვადაში დააკისრა.
ადვოკატის განმარტებით, პროკურატურის მიერ წაყენებული ბრალდებები არასრულყოფილია და სიმართლეს არ შეესაბამება. ნუგზარ სამარჯიშვილი დარწმუნებულია, რომ წინასასამართლო სხდომაზე ბრალდების მხარე მტკიცებულებების არარსებობის გამო მათ წარდგენას ვერ შეძლებს.
გამოძიება სისხლის სამართლის კოდექსის 239–ე მუხლის მესამე ნაწილით დაიწყო, რომელიც გულისხმობს ხულიგნობას ძალადობით ან ძალადობის მუქარით და ისჯება თავისუფლების აღკვეთით ვადით 4–დან 7 წლამდე.
ახალგაზრდებისთვის შეფარდებულ მუხლს არც ერთი ადვოკატი არ ეთანხმება. ნუგზარ სამარჯიშვილის მსგავსად ადვოკატი ეკა აბაშიძე დარწმუნებულია, რომ წინასასამართლო სხდომაზე, რომელიც 25 იანვარს ჩაინიშნა, სამართალდამცველებს მუხლის გადაკვალიფიცირება მოუწევთ.
მთელი დღის ლოდინის შემდეგ, მეცხრე არხის ელექტრონულ ფოსტაზე პროკურატურისგან საღამოს რვა საათისთვის შემდეგი სახის შეტყობინება მოვიდა.
,,დანაშაულის სიმძიმიდან და დაკავებულ პირთა საზოგადოებისათვის საშიში ხასიათიდან გამომდინარე, პროკურატურამ მათ მიმართ აღკვეთის ღონისძიების სახით მოითხოვა პატიმრობა, რაც გაზიარებულ იქნა სასამართლოს მიერ".
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.