TikTok-ը դադարեցրել է աշխատել ԱՄՆ-ում

TikTok-ը դադարեցրել է գործունեությունը ԱՄՆ-ում. Պլատֆորմն այլևս հասանելի չէ Apple-ի և Google-ի հավելվածների խանութներում։

TikTok-ը, որը պատկանում է չինական ByteDance ընկերությանը, օգտատերերին տեղեկացրել է. «Միացյալ Նահանգներում օրենք է ընդունվել TikTok-ն արգելելու մասին»։ Ցավոք սրտի, սա նշանակում է, որ դուք այս պահին չեք կարողանա օգտագործել TikTok-ը: Մենք ուրախ ենք, որ նախագահ Թրամփը հայտնել է իր պատրաստակամությունը՝ աշխատելու մեզ հետ՝ TikTok-ը պաշտոնը ստանձնելուց հետո վերականգնելու լուծման ուղղությամբ: Խնդրում ենք սպասել թարմացումների»:

ByteDance-ի այլ հավելվածներ, այդ թվում՝ տեսախմբագրման Capcut և սոցիալական հավելված Lemon8, նույնպես հեռացվել են և այլևս հասանելի չեն ԱՄՆ հավելվածների շուկայում:

Ի գիտություն, օրենքը պարտավորեցնում է հավելվածի սեփականատեր չինական ընկերությանը կա՛մ վաճառել TikTok-ը, կա՛մ բախվել ԱՄՆ-ում հավելվածի արգելքի՝ հունվարի 19-ից սկսած: Ավելի վաղ ԱՄՆ Գերագույն դատարանի դատավորները միաձայն որոշել էին, որ օրենքը, որը հաստատվել է Կոնգրեսի կողմից անցյալ տարի և ստորագրվել նախագահ Ջո Բայդենի կողմից, չի խախտում ԱՄՆ Սահմանադրության խոսքի ազատության առաջին ուղղումը։

ԱՄՆ նորընտիր նախագահ Դոնալդ Թրամփը հայտարարել է, որ, հավանաբար, պաշտոնը ստանձնելուց հետո 90 օրով հետաձգելու է TikTok-ի արգելքը։