«Հայաստանի Հանրապետությունում վարչապետն ունի իր լիազորությունները. Այս լիազորությունը ոչ մի դեպքում չի ներառում անձին ձերբակալելու որոշումը։ Այս ամենն արվում է օրինական ընթացակարգերով»-այսպես է արձագանքտլ Նիկոլ Փաշինյանը լրագրողի հարցին՝ թե եթե Վլադիմիր Պուտինը գար Հայաստան, նրան կձերբակալի՞Հայաստանի ոստիկանությունը։

Փաշինյանի խոսքով, Հայաստանի Հանրապետությունն առանձնանում է անկախ դատական ​​համակարգի առկայությամբ:

«Նախ ասեմ, որ Հայաստանի Հանրապետությունը սկսել է Հռոմի ստատուտին միանալու գործընթացը 2022 թվականի դեկտեմբերին և այս որոշումը որոշվել է մեր անվտանգության միջավայրում տեղի ունեցած փոփոխությունների գնահատմամբ։ Մենք վավերացրել ենք Հռոմի ստատուտը, ի թիվս այլ բաների, վերլուծել ենք 2022 թվականի սեպտեմբերյան պատերազմի հետևանքները և նշել, որ մեր անվտանգության համակարգում կան որոշ ճեղքեր։ Մենք այս որոշումը կայացրեցինք, քանի որ դժվար ժամանակ էր: Այս որոշումը ծառայում է Հայաստանի անվտանգության մակարդակի բարձրացմանը։ Ինչ վերաբերում է իրավական մասերին, ես այս պահին չեմ կարող իրավական վերլուծություն անել, քանի որ դա փաստաբանների աշխատանք է։ Կարծում եմ, ինչպես արդեն ասացի, Հայաստանը՝ որպես պատասխանատու պետություն, պետք է կատարի բոլոր միջազգային պարտավորությունները, այդ թվում՝ հարաբերությունները Ռուսաստանի Դաշնության և միջազգային հանրության հետ։ Ի դեպ, այս թեմայով տարբեր կարծիքներ ու իրավական վերլուծություններ կան։ Մասնավորապես, կան իրավաբաններ, ովքեր ասում են, որ ներկայիս պետությունների ղեկավարներն ունեն անձեռնմխելիություն՝ ելնելով իրենց կարգավիճակից։ Այսինքն՝ սա իրավական խնդիր է, ոչ թե քաղաքական, որ պետք է քննարկեմ ու պատասխանեմ։ 2018 թվականից Հայաստանում սկսվել են բազմաթիվ լայնածավալ ժողովրդավարական բարեփոխումներ, և ես որոշումներ չեմ կայացնում, թե ով պետք է ձերբակալվի, ով` ոչ։ Հայաստանում կա իրավական կարգ, կան իրավական ինստիտուտներ, և բոլոր դեպքերում նման որոշումներ կայացնողը Հայաստանի իրավական ինստիտուտներն են։ Սրա համար ունենք դատախազություն, ունենք դատարաններ, ունենք քննչական կոմիտե եւ այլն։ Շատ կարևոր է, որ որպես Արևելյան գործընկերության անդամ՝ Հայաստանի Հանրապետությունն առանձնանում է անկախ դատական ​​համակարգի առկայությամբ, ՀՀ-ում գոյություն ունի օրենքի գերակայություն։ Հայաստանի Հանրապետությունում վարչապետն ունի իր լիազորությունները: Այս լիազորությունը ոչ մի դեպքում չի ներառում անձին ձերբակալելու որոշումը։ Այս ամենն արվում է օրինական ընթացակարգերով»,- ասել է Փաշինյանը։

Միջազգային քրեական դցատարանը Վլադիմիր Պուտինին ձերբակալելու օրդեր է տվել 2023 թվականի մարտի 17-ին։