Օրենքում ոչ մի տեղ «ֆիզիկական անձ» բառը գրված չէ՝ Նինո Ծիլոսանի

Քաղաքականություն

20.05.2024

Սուտ է, իբր ֆիզիկական անձը պարտավոր է ինչ-որ տեղ գրանցվել։ Ոչ մի տեղ նման պարտավորություն չկա։ Ընդհանրապես, օրենքում «ֆիզիկական անձ» բառը ոչ մի տեղ գրված չէ,- այս մասին Facebook-ում գրում է խորհրդարանի փոխխոսնակ Նինո Ծիլոսանին:

«Այլևս ոչինչ չեմ կարող ասել այս անդեմ ընդդիմության և ենթադրյալ փորձագետների մասին, կարծում եմ՝ ոչ ոք չի կարող հույս ունենալ, որ նրանք ինչ-որ ճիշտ և ադեկվատ բան կասեն, ուստի բոլորին կբացատրեմ՝ դա սուտ է, իբր ֆիզիկական անձը պարտավոր է ինչ-որ տեղ գրանցվել. Ոչ մի տեղ նման պարտավորություն չկա։ Ընդհանրապես, օրենքում «ֆիզիկական անձ» բառը ոչ մի տեղ գրված չէ։

Նախաձեռնված տարբերակում գրված էր, որ արդարադատության նախարարության համապատասխան լիազորված անձը իրավունք ունի օրենքով սահմանված կարգով փնտրել անհրաժեշտ տեղեկատվություն, ներառյալ անձնական տվյալները՝ որոշակի կազմակերպության ծախսերը պարզաբանելու համար:

Իսկ 2-րդ լիագումար նիստում, որտեղ այս անպատասխանատու ընդդիմությունն ու հասարակական կազմակերպությունները ձեռք էին բարձրացնում, 9-րդ հոդվածում հստակեցրինք հետևյալը՝ սույն օրենքով պահանջվող տեղեկատվությունը չներկայացնելը կհանգեցնի տուգանքի 5000 լարիի չափով:

Այս ստից հետո հասկանու՞մ եք՝ այս մարդկանց ընդհանրապես ոչինչ չի կարելի վստահել»,- գրել է Ծիլոսանին։