«Վրաստանը ընտրում է Եվրամիությունը» -Սամցխե-Ջավախեթիից միացան երթին
Հոկտեմբերի 20-ին Թբիլիսում ացնկացվեց երթ «Վրաստանը ընտրում է Եվրամիությունը» կարգախոսով:
Երթի կազմակերպիչը ՀԿ-ների կոալիցիան է: Մասնակիցները հավաքվեցին հինգ տարբեր վայրերում 17:00-ին: Բոլոր վայրերից երթը ավարտվեց Ազատության հրապարակում, որտեղ 19:00-ին կայացավ հանրահավաք-համերգ:
«Վրացական երազանք» կուսակցության կողմից ռուսական և ցենզուրային օրենքների ընդունման պատճառով Վրաստանի եվրաինտեգրման գործընթացը կանգնեցված է:
Թբիլիսիում նախատեսված երթին միացան նաև Սամցխե-Ջավախեթիից: Tv9news.ge-ի տեղեկություններով՝ Ախալցիխեից դեպի մայրաքաղաք հիմնականում մեկնեցին սեփական մեքենաներով, ինչպես ընդդիմադիր կուսակցությունների ներկայացուցիչներ, այնպես էլ քաղաքացիական ակտիվիստներ և հասարակական կազմակերպությունների անդամներ:
«Վրաստանի ապագան Եվրոպայում է, մենք ընտրում ենք եվրոպական արժեքները»,- ասում են քաղաքացիները: