Վրաստանի խորհրդարանն ընդունեց 2025 թվականի պետական բյուջեն՝ 88 կողմ ձայնով։ Ֆինանսների նախարար Լաշա Խուցիշվիլին ներկայացրեց բյուջեի նախագիծը։

2025-ի բյուջեն հիմնված է հետևյալ մակրոտնտեսական ցուցանիշների վրա՝

Տնտեսական իրական աճ՝ 6.0%, միջնաժամկետում՝ 5.2%
Միջին ինֆլացիայի կանխատեսում՝ 1.0%
Պետական բյուջեի ծախսերը նախորդ ներկայացման համեմատ ավելացել են 895.2 մլն լարով և կազմել են 27.94 մլրդ լարի։

Հիմնական նախարարությունների ֆինանսավորումը հետևյալն է՝

Առողջապահության նախարարություն՝ 8.82 մլրդ լարի (+990.9 մլն)
Կրթության նախարարություն՝ 3.08 մլրդ լարի (+577.0 մլն)
Մշակույթի նախարարություն՝ 297.6 մլն լարի
Սպորտի նախարարություն՝ 298.4 մլն լարի
Ինֆրաստրուկտուրայի նախարարություն՝ 3.12 մլրդ լարի
Գյուղատնտեսության նախարարություն՝ 808.1 մլն լարի
Տնտեսական նախարարություն՝ 947.0 մլն լարի (+146.0 մլն)
Արդարադատության նախարարություն՝ 442.0 մլն լարի
Արտաքին գործերի նախարարություն՝ 215.0 մլն լարի
Պաշտպանության նախարարություն՝ 1.73 մլրդ լարի (+350.0 մլն)
Ներքին գործերի նախարարություն՝ 1.39 մլրդ լարի (+135.0 մլն, ներառյալ ոստիկանների 10%-ով աշխատավարձի բարձրացումը)։

Ֆինանսների նախարար Լաշա Խուցիշվիլիի խոսքով՝ 2025 թվականին կրթության և գիտության համար նախատեսված է ավելի քան 3 մլրդ 950 մլն լարի, ինչը կազմում է ընդհանուր բյուջեի 12%-ից ավելին։

Նրա խոսքով, 2025 թվականին հանրակրթական դպրոցների ֆինանսավորմանը կհատկացվի ավելի քան 1 մլրդ 650 մլն լարի, որի շրջանակներում այս տարվա հուլիսից ամբողջությամբ կֆինանսավորվեն բարձրացված աշխատավարձերը։

«Նախատեսվում է նաև հանրակրթական դպրոցների վարչական անձնակազմի և իրավապահների աշխատավարձերի 10 տոկոս բարձրացում; Մանկապարտեզների ֆինանսավորումը կազմում է մինչև 500 մլն լարի, որի շրջանակներում անձնակազմի աշխատավարձը կավելացվի 125 լարիով; Ավելի քան 600.0 մլն լարի է հատկացվել հանրակրթական դպրոցների կառուցման և վերականգնման համար: Ավելի քան 225,0 մլն լարի կօգտագործվի մանկապարտեզների կառուցման ու վերականգնման համար»,- ասել է Լաշա Խուցիշվիլին։

Տեղեկությունը տարածում է ֆինանսների նախարարության մամուլի ծառայությունը։