Ախալցխայում քաղաքապետարանի 2019 թվականի բյուջեի նախագծի հանրային քննարկում տեղի ունեցավ
Երկու ժամվա ընթացքում քաղաքապետի տեղակալը կարևոր ֆինանսական փաստաթուղթը ներկայացրեց հասարակությանը:

Արդյունավետ կառավարություն, Ենթակառուցվածքային ծրագրեր, Առողջապահական ծրագրեր, Կրթություն եւ սպորտ – սա այն ուղղություններն են, որոնք տեղական իշխանությունը գալիք տարվա առաջնահերթություն ընտրեց: Քաղաքապետի տեղակալի հայտարարությամբ, 2018 թվականի և հաջորդ տարվա բյուջեի միջև սկզբունքային տարբերություն կա:

« Փոխվել է ֆինանսավորման աղբյուրը: Քաղաքապետարանները կենտրոնական բյուջեից տրանսֆեր չեն ստանում, փոխարենը լրացուցիչ հարկերը բաժանվել են քաղաքապետարանների միջև: Սրա պատճառով, մենք 1 մլն 500 հազարից ավելի գումար ենք ստացել, քան թե անցած տարի տրանսֆերով»,- հայտարարեց Գուրամ Մելիքիձեն:



Քննարկմանը ներկա էին հանրային ծառայողները, ոչ հասարակական կազմակերպությունների ներկայացուցիչները և ակտիվ քաղաքացիները: Հանդիպման ավարտից հետո, մասնակիցները գնահատեցին հաջորդ տարվա կարևոր ֆինանսական փաստաթղթերը:

« Բյուջեի նախագծում միայն թվեր կան: Քաղաքացին, ով չունի ֆինանսական կրթություն չի հասկանա ինչ հաշիվներ են: Ես ուրախ կլինեի, մասնավորապես հասկանաի, ծրագրված է թե ոչ փոխել քաղաքային տրանսպորտը, Կամ կոնկրետ որ փողոցները կծածկվեն: ինձ հետաքրքրում է պլանավորում են արդյոք Վալեում մնացած մայթերի վերանորոգումը: Սպորտի և երիտասարդական հոդվածում գումարն աճել է մինչև 2 մլն, սակայն չենք հասկանում այս ուղղությամբ զարգացումը ինչպես է տեղի ունենում: Սպորտ դպրոցից չի երևում, որ այս 2 մլն-ից նրանց նույնպես գումար է հասնում»,- հայտարարեց «UDM» -ի ներկայացուցիչ Ջաբա Նաթենաձեն:



«Ես առաջարկում եմ «Օպիզարի» քոլեջի սեփականություն հանդիսացող հողատարածքում կառուցել հրապարակ: Այս տարածքում սեղան ու աթոռներ կտեղադրվեն, երեխաները կարող են գալ, և տեսնել փորագրության և այլ աշխատանքների օրինակներ: Բարձր դասարանի աշակերտները փողոցներում չեն կանգնի»,- նախաձեռնության մասին խոսեց քոլեջի տնօրեն Բելա Ավալիշվիլին:



Ի տարբերություն Հասարակական կազմակերպությունների ներկայացուցիչների, 2019 թվականի այս քննարկումներին քաղաքացիները իրենց կարծիքը չեն հայտնել: Ներկայացուցչական մարմնում տեղացիների առաջարկների ընդունումը մեկ շաբաթ առաջ սկսվեցին: Չնայած ոչ մի նախաձեռնություն չեն քննարկել:

« Բնակչությունից նախաձեռնություններ, ցավոք սրտի չկան: Այսօր էլ հանդիպմանը մասնակցելու հրավիրել էինք, ավելի շատ ակտիվության էինք սպասում, երևի եղանակը խանգարեց»,- նշեց քաղաքային խորհրդի նախագահ Գելա Նոզաձեն:

« Դուք լավ գիտեք, որ բարձր լեռնային կարգավիճակ ստացած գյուղացիները չեն գալիս այստեղ քննարկումներին մասնակցելու, նրանք իրենց հոգսերով են զբաղված: Մենք պետք է բացատրենք նրանց, որ գոնե մեկ կամ 2 առաջարկ ունենան: 10 մարդ անգամ որ մասնակցի, սա կլինի լավ արդյունք»,- տեղական իշխանությանը դիմեց «Տոլերանտ» միաության ղեկավար Ցորա Մեսխիշվիլին:



Հանրային քննարկումներից հետո, այսօր ևետ, նոյեմբերի 22-ին բյուջեի նախագիծը քաղաքային խորհուրդը քաղաքապետարան վերադարձրեց միայն 2 առաջարկություն: Ներկայացուցչական մարմնի նախաձեռնությամբ, «Տաո» ռեգբիի ակումբի ֆինանսավորումը պետք է աճի 20 000 լարիով և դառնա 90 000 լարի: Ինչպես նաեւ պետք է ավելացվի "Աթլետիկայի սպորտային ակումբի" ֆինանսավորումը 181 100 լարիից մինչեւ 200 000 լարի: Ախալցխայի քաղաքապետարանը բյուջեի նախագծում փոփոխություններ կատարելու համար 20-օրյա ժամկետ ունի: Գլխավոր ֆինանսական փաստաթղթի ուղղված տարբերակը գործադիր իշխանությունը քաղաքային խորհրդին պետք է վերադարձնի դեկտեմբերի 10-ին:

Ախալցիխեի քաղաքապետարանի բյուջեն հաջորդ տարի 15 մլն 900 հազար լարիով սահմանափակվեց: