«Ամբողջ տարածաշրջանը դատարկվել է, ինչպես աշխատենք, ի՞նչ անենք»

Տնտեսություն

01.12.2020

Վրաստանում կորոնավիրուսների դեպքերի ռեկորդային աճի պատճառով պետությունը խստացրել է կանոնակարգերը: Նոյեմբերի 28-ից ամբողջ Վրաստանում, հաստատվել է պարետային ժամ, բացի այդ, կարգելվեն մի շարք գործողություններ, կդադարեցվի նաև քաղաքային տրանսպորտը: Սահմանափակումները տարածվում են նաև լեռնադահուկային հանգստավայրերի վրա: Ինչպես է կառավարությունը արգելում Բակուրիանիի տուրիստական սեզոնը, և ինչպես տեղացիները կկարողանան ապրել առանց հանգստացողների:

Բակուրիանին, Գուդաուրին, Գոդերձին և Մեստիան զբոսաշրջանային սեզոնին կդիմավորեն առանց այցելուների: Նոյեմբերի 28-ից հունվարի 31-ը լեռնադահուկային հանգստավայրերի նկատմամբ լրացուցիչ սահմանափակումներ կսահմանվեն: Նոր կանոնակարգի համաձայն ՝ հյուրանոցների աշխատանքը թույլատրվում է միայն կարանտինային տարածքներ կազմակերպելու համար: Նաև դադարեցվում է լեռնադահուկային լանջերի և պարանների աշխատանքը: Կանոնակարգերի խստացման մասին որոշումն արդեն կայացվել է Միջգերատեսչական համակարգող խորհրդի կողմից:

Հենց այն ժամանակ, երբ Բուկարիանիում պետք է սկսվեր ակտիվ տուրիզմը, կառավարությունը ընդունեց որոշումներ: Հետևաբար, բոլոր հյուրանոցները, սրճարանները և խանութները այլևս չեն կարող աշխատել: Փաստացիորեն, առանց զբոսաշրջիկների ավարտվեց նաև անցած ձմռան սեզոնը: Տեղացիներն ասում են, որ առջևում սպասվում են ծանր ժամանակներ, քանի որ առանց այցելուների, նրանց համար դժվար տնտեսական կյանքը ուղիղ համեմատական է:

«Կարծում էի, որ սեզոնը կսկսվեր և աշխատանք կունենայինք, բայց ով կար, նրանք էլ գնացին: Դատարկվեց Բակուրիանին, ոչ ոք չունենք, ինչ ենք անելու, չգիտենք»,- ասում է Բակուրիանիի սրճարանի սեփականատեր՝ Նինո Քուրիձեն:
«Խանութը ամեն տարի բացում էի այս սեզոնին, այս տարի էլ բացեցի, վարկով ապրանք գնեցի և գործ չկա: Դատարկություն է, ինչ ենք անելու, չգիտենք: Այս վարկերս ինչպես վճարենք: Նման իրավիճակ այստեղ երբեք չի եղել»,- ասում է խանութներից մեկի սեփականատերը:

Current Time 0:00

Duration Time 0:00

Loaded: 0%

Progress: 0%

Stream TypeLIVE

Remaining Time -0:00

Սեզոնի ընթացքում, ամեն տարի Բակուրիանի էին այցելում շուրջ 150,000 զբոսաշրջիկներ:

Ըստ Բորժոմիի քաղաքապետարանի, 2019-ին հանգստավայրում մնացել է շուրջ 140,000 զբոսաշրջիկ: 2020-ի առաջին երեք ամիսներին Բակուրիանին ունեցել է 40 000 տեղացի հանցստացող, ինչը, ըստ քաղաքապետի, հանգստավայրի համար նվազագույն ցուցանիշ է:

«Բակուրիանիում կազմակերպվում էին տարբեր միջոցառումներ, սակայն ամեն ինչ հետաձգվեց: Համաճարակի պատճառով, այս տարին զրոյի հավասարվեց»,- ասում է Բորջոմի քաղաքապետ՝ Դավիթ Զաալիշվիլին:

Զբոսաշրջության ոլորտի փորձագետը տագնապալի է անվանում իրավիճակը ոլորտում և ասում, որ կառավարության ձեռնարկած քայլերը դուրեկան չեն քաղաքացիների և բիզնեսի համար: Ձմեռային հանգստավայրերը հայտնվել են հատկապես բարդ իրավիճակում:

«Ընդունելով այս կանոնակարգերը ՝ մենք ոչնչացրել ենք լեռնադահուկային և հյուրանոցային բիզնեսները», - ասում է Վատո Ասատաշվիլին: Ըստ նրա, փոքր բիզնեսի ու ինքնազբաղ անձանց ձայները չեն հասնում կառավարությանը:

«Սա ընդհանուր արգելափակում է, փոքր և միջին բիզնեսի 80% -ը դադարեցվել է», - ասում է փորձագետը:
2020 տուրիստական սեզոնի ավարտին մնացել է ընդամենը մեկ ամիս, ինչը նշանակում է, որ Բակուրիանիում զբոսաշրջիկների տարեկան թիվն սահմանափակումների պատճառով այլևս չի ավելանա:

Կառավարության կողմից ընդունված սահմանափակումները հանգստավայրի վերաբերյալ, կգործեն մինչեւ հունվարի 31-ը: Բակուրիանի համար հայտնի չէ, թե որքան զբոսաշրջիկ կայցելի փետրվարին ՝ արգելքների հնարավոր վերացումից հետո:

Հրապարակվել է Վրաստանի Բաց հասարակության հիմնադրամների և Վրացական ռազմավարության ու զարգացման կենտրոնի (GCSD) ֆինանսական աջակցությամբ:Հեղինակի / հեղինակների կողմից տեղեկատվական նյութում հայտնված կարծիքը չի կարող արտացոլել հիմնադրամի և կենտրոնի դիրքորոշումը: Ըստ այդմ, «Բաց հասարակության հիմնադրամը» և «Վրացական ռազմավարության և զարգացման կենտրոնը» պատասխանատու չեն նյութի բովանդակության համար:

თეგები: արգելքներ / Սահմանափակումներ /

Հեղինակ:

Թարգմ. Սիրուշո Անտոնյան

Երկ.

Երեք.

Չոր.

Հինգ.

Ուրբ.

Շաբ.

Կիր.