Թուրքական «Sözcü» թերթի վերլուծաբան Մուրաթ Մուրաթօղլուն արտահանման և արտաքին առևտրի դեֆիցիտի վերաբերյալ հոդված է հրապարակել՝ գրելով. «Թուրքիայում ամենաէժան բանը դոլարն է», փոխանցում է Ermenihaber-ը։

Հեղինակը նախ համեմատել է 2021-ի ու 2022-ի փետրվար ամսի տվյալներ, ըստ որի արտահանումը նվազել է 6.4 տոկոսով, իսկ ներմուծումն ավելացել է 10.6 տոկոսով: Հեղինակի պնդմամբ՝ այս վատթարացումը հնարավոր չէ պատճառաբանել երկրաշարժով, քանի որ բոլոր հաշվարկները ցույց են տալիս, որ երկրաշարժիհետևանոքվ չէր կարող այսքան տարբերություն լինել:

Ապա, գալով գնաճին, արձանագրել է, որ երկրում միայն դոլարը չի թանկացել:

«Ի՞նչը գրեթե չի թանկացել վերջին 8 ամսում: Լվացքի միջոցնե՞րը, գրենական պիտույքնե՞րը, բադրիջա՞նը, վարու՞նգը: Ոչ… Պատասխան՝ դոլարը: Սա նշանակում է, որ դա ամենաէժան բանն է, որ կարելի է գնել շուկայում, ինչքան էլ փորձեն, չեն կարող նվազեցնել ներմուծումը և արտաքին առևտրի դեֆիցիտը»,- եզրափակել է Մուրաթօղլուն: