Վրաստանում ալյուրի ներմուծումը կրկնակի կրճատվել է

Տնտեսություն

19.07.2023

2023 թվականի հունիսին Վրաստան ալյուրի ներմուծումը գործնականում կրկնակի կրճատվել է։ Սա հաստատում են Ազգային վիճակագրական ծառայության տվյալները։

Մասնավորապես, ըստ Geostat-ի, անցած ամիս Վրաստան է ներկրվել 3 մլն 517 հազար 60 դոլար արժողությամբ ցորենի ալյուր, մինչդեռ նախորդ տարվա նույն ժամանակահատվածում այդ ցուցանիշը կազմել է 6 մլն 546 հազար 590 դոլար։

Նշենք, որ ներմուծման հիմնական տեսակարար կշիռը՝ 94,7%-ը, բաժին է ընկել Ռուսաստանին, որից հունիսին երկիր է մուտք գործել 3 330 660 ԱՄՆ դոլարի ալյուր։ Համեմատության համար նշենք, որ 2022 թվականի հունիսին Ռուսաստանից ալյուրի ներմուծումը կազմել է 6 392 070 ԱՄՆ դոլար։

Ինչ վերաբերում է ընթացիկ տարվա տվյալներին, ապա ալյուր ներկրող երկրների թվում են նաև.

Թուրքիա- 86 260 ԱՄՆ դոլար ;
Իտալիա- 42 940 ԱՄՆ դոլար ;
ֆրանսիա- 19 540 ԱՄՆ դոլար ;
Ավստրիա - 18 430 ԱՄՆ դոլար ;
Լիետվա (Լիտվա) – 10 690 ԱՄՆ դոլար ;
Ուկրաինա- 8 020 ԱՄՆ դոլար ;
Բելառուս- 450 ԱՄՆ դոլար ;
Լեհաստան- 70 ԱՄՆ դոլար:

Հիշեցնենք, որ հունիսի 12-ից երկրում ալյուրի ներկրման համար ներմուծման հարկ է սահմանվել։ Ալյուր արտադրողների և տեղական հացահատիկային ֆերմերների ասոցիացիան երկար ժամանակ է, ինչ պահանջում է կառավարությունից այս որոշումը։ Պատճառը ցորենի վրա Ռուսաստանի սահմանած մաքսային հարկն է, որը, ըստ նրանց, մրցակցության անհավասար պայմաններ է ստեղծել։

თეგები: იმპორტი / საქართველო / ფქვილი /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.