Գազի սակագինը իջեցվել է. ո՞ւմ է հետաքրքրում փոփոխությունը

Տնտեսություն

03.08.2023

2023 թվականի սեպտեմբերի 1-ից բնական գազի վճարը կնվազի:

Թբիլիսիում կոմերցիոն սպառողների համար գազի գինը կիջեցվի 11 թեթրիով, իսկ մարզերում՝ 13 թեթրիով։ Համապատասխան փոփոխությունը կվերաբերի «SOCAR Georgia Gas»-ի բաժանորդներին մարզերում, իսկ «Tbilisi Energy»-ի բաժանորդներին մայրաքաղաքում։ Նշված որոշման մասին տեղեկությունը տարածել են գազաբաշխիչ ընկերությունները։

«Թբիլիսի Էներջի» բաժանորդների համար կոմերցիոն սակագինը 1,35 թեթրիի փոխարեն կսահմանվի 1,24 թեթրի, իսկ «Սոկար Ջորջիա Գազ»-ի դեպքում սեպտեմբերից նոր սակագինը կկազմի 1,25 թեթրի 1,38 թեթրիի փոխարեն։

«Կենցաղային (բնակելի) սակագինը, որը սահմանել է Վրաստանի էներգետիկայի և ջրամատակարարումը կարգավորող ազգային հանձնաժողովը, մնում է անփոփոխ»,- ասվում է «Սոկար Գազ»-ի հաղորդագրության մեջ։

Գիտեք, որ «Թբիլիսի Էներջի» ՍՊԸ-ն մայրաքաղաքի բնական գազի բաշխման ամենամեծ լիցենզառուն է, որը սպասարկում է ավելի քան կես միլիոն բաժանորդի, այդ թվում՝ մինչև 20 հազար ոչ կենցաղային բաժանորդների։

Ընկերությունը ներկրում է բնական գազ և վճարումները կատարում է ԱՄՆ դոլարով։ Հաշվի առնելով մատակարարների կողմից գնվելիք գազի գնի նվազումը և, միևնույն ժամանակ, ԱՄՆ դոլարի նկատմամբ ազգային արժույթի ամրապնդումը, ընկերությունը որոշում է կայացրել նվազեցնել սակագինը։

Ուզում ենք նշել նաև, որ բնական գազի գինը կենցաղային սպառողների համար չի փոխվի, և սակագինը դեռ կկազմի 0,539708 լարի մեկ խորանարդ մետրի համար»,- նշվում է «Թբիլիսի Էներջի»-ի հաղորդագրության մեջ։

Հիշեցնենք, որ Վրաստանում ոչ կենցաղային սպառողների համար գազի սակագինը բարձրացել է 2022 թվականի հուլիսի 1-ից։ Մարզերում սակագինը 1,15 լարիից դարձել է 1,38 լարի, իսկ մայրաքաղաքում՝ 1,10 լարիից՝ 1,35 լարի։