Բնակչությանը կարող ենք հստակ ասել, որ գազի առևտրային սակագնի փոփոխության պատճառով հացը չի թանկանա, դրա համար նախադրյալներ չկան, ասել է փոխվարչապետ, էկոնոմիկայի նախարար Լևան Դավիթաշվիլին։

Նախարարի խոսքով՝ հանրությունը տեղյակ է «Սաքստատի» հրապարակած տնտեսական ցուցանիշներին, այդ թվում՝ գնաճի տվյալները, իսկ գների անկման ոլորտներից մեկը պարենային ապրանքներն են։

«Մենք հացի թանկացում էլ չենք ակնկալում, հակառակը՝ բնակչության վրայից այդ ճնշումը կվերացվի»,- ասաց փոխվարչապետը։

Ինչպես պարզաբանել է Դավիթաշվիլին, գազի կոմերցիոն մասում գնի փոփոխություն կա, և դա կարգավորվող սակագին չէ, դա կոմերցիոն ոլորտ է, որը կախված է միջազգային շուկաներում նավթամթերքի գներից։

«Սա ուղղակիորեն չի ազդում բնակչության վրա, անուղղակի ազդեցություն ունի գնաճի վրա։ Գազի գինը տատանվում է, և տարվա ընթացքում ունեցել ենք զգալի նվազում, ավելի շատ էժանացումներ, քան այժմ սպասվում է հունվարի սկզբից։ Այնպես որ, կրճատման ազդեցությունն արդեն արտացոլվել է տնտեսության վրա»,- նշել է Դավիթաշվիլին։

Նախարարը ևս մեկ անգամ ընդգծեց, որ դա հացի ոլորտին չի վերաբերում:

«Սրա վերաբերյալ էլ կա պայմանավորվածություն, որ հաց թխող խոշոր ընկերությունները հատուկ պայմաններ ունեն, այսինքն՝ հացի գնի թանկացման այլ նախադրյալներ չունենք, այդ թվում՝ գազի գնի հիման վրա։ Գնահատել ենք նաև գնաճի վրա ազդեցությունը, և դա աննշան է»,- ասաց փոխվարչապետը։

Նրա տեղեկություններով՝ չորս թեթրիով կոմերցիոն գազի սակագնի բարձրացում կա, ինչի մասին հայտարարել է ընկերությունը, և, հետևաբար, որոշ լրատվամիջոցների ստեղծած խուճապի պատճառ չկա։