Աշխարհում ոսկու գինը ռեկորդային մակարդակի վրա է: Տարեսկզբից մինչ այժմ ոսկու գինը բարձրացել է գրեթե 300 դոլարով ու մոտեցել 2300 դոլարին։ Ավելին, այս շաբաթ թանկարժեք մետաղի մեկ կիլոգրամի գինը նույնիսկ գերազանցել է 74 հազար դոլարը, մինչդեռ տարեսկզբին այն տատանվում էր 65 հազար դոլարի սահմաններում։

Ինչպես աշխարհում, աճում է նաև վրացական ոսկու արտահանման գինը (չմշակված կամ կիսամշակված ոսկի կամ փոշու տեսքով)։

Մասնավորապես, Geostat-ի տվյալներով՝ 2023 թվականի հունվար-փետրվարին Վրաստանից արտահանվել է 0,44 տոննա ոսկի՝ 14,021 մլն դոլարի, կիլոգրամի գինը միջինը կազմել է 31 866 դոլար։ Նախորդ տարվա նույն ժամանակահատվածում արտասահմանում վաճառվել է 0,60 տոննա ոսկի՝ 16,346 մլն դոլար՝ մեկ կիլոգրամի դիմաց 27,244 դոլար միջին գնով։ Արդյունքում պարզվում է, որ վրացական ոսկու արտահանումն այս տարի թանկացել է գրեթե 17 տոկոսով։

Ինչ վերաբերում է արտահանման երկրներին, ապա այս տարի վրացական ոսկին վաճառվել է երեք երկրներում:

Շվեյցարիա՝ 13,154 մլն դոլար
Թուրքիա՝ 728,49 հազար դոլար
Արաբական Միացյալ Էմիրություններ՝ 138,82 հազար դոլար