2025 թվականի պետական բյուջեի նախագծի նախնական տարբերակով, 11 նախարարություններից 10-ի բյուջեի ավելացում է նախատեսվում, մինչդեռ տարածաշրջանային զարգացման և ենթակառուցվածքների նախարարության ֆինանսավորումը կրճատվում է 200.7 միլիոն լարիով:

Ամենաշատ գումարը հատկացվել է Վրաստանի օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարարությանը: Նախարարության բյուջեն ավելացել է 870.9 միլիոն լարիով և կազմում է 8 700.0 միլիոն լարի:

Նախագծի նախնական տարբերակով կրթության, գիտության և երիտասարդության նախարարության ֆինանսավորումը կավելանա 377 միլիոն լարիով և կհասնի 2 885.0 միլիոն լարիի:

Ինչպես նշված է փաստաթղթում, նախադպրոցական և ընդհանուր կրթության ֆինանսավորումը աճել է 233.3 միլիոն լարիով և կհասնի 1 808.3 միլիոն լարի:

«Այս գումարի շրջանակներում նախատեսված է այս տարվա հուլիսից պետական դպրոցների ուսուցիչների աշխատավարձերի ավելացման ամբողջ տարվա ֆինանսավորումը։ Նույն ծրագրի շրջանակներում նախատեսված է 70.0 միլիոն լարի պետական դպրոցների համակարգչային տեխնիկայով և լաբորատորիաներով համալրման համար։ Հաշվի է առնված նաև մանդատուրների և պետական դպրոցների վարչական-տեխնիկական անձնակազմի աշխատավարձերի բարձրացումը։ Ընդհանուր կրթական հաստատությունների ենթակառուցվածքների զարգացման համար նախարարության բյուջեից հատկացվում է ավելի քան 395.0 միլիոն լարի։ Դրա հետ մեկտեղ, Վրաստանի տարածաշրջանային զարգացման և ենթակառուցվածքների նախարարության հատկացումներին ավելացվել է ավելի քան 561.0 միլիոն լարի», - նշված է բյուջեի նախագծի նախնական տարբերակում: