Վրաստանի Ազգային բանկի հրապարակած տվյալների համաձայն, լարիով տրամադրված վարկերի տոկոսադրույքները աճել են։

Մասնավորապես, 2024 թվականի դեկտեմբերին ազգային արժույթով տրամադրված վարկերի միջին տոկոսադրույքը կազմել է 12,63%, ինչը 0,6%-ով բարձր է նախորդ ամսվա ցուցանիշից և 1,37%-ով՝ նախորդ տարվա նույն ամսվա ցուցանիշից։

Նույն աղբյուրի համաձայն՝ 2024 թվականի նոյեմբերին լարիով տրամադրված վարկերի տոկոսադրույքը կազմել էր 12,03%, իսկ 2023 թվականի դեկտեմբերին՝ 11,26%։

Վրաստանի Ազգային բանկի տվյալներով, սպառողական վարկերի տոկոսադրույքը 2024 թվականի դեկտեմբերին կազմել է 18,16%, ինչը տարեկան կտրվածքով 0,27%-ով աճ է։ Իսկ երաշխավորված վարկերի տոկոսադրույքը (լարիով) կազմել է 14,66%, ինչը 1,42%-ով գերազանցում է նախորդ տարվա նույն ժամանակահատվածի ցուցանիշը։