დღეს სომხური ეკლესია, შობასა და ნათლისღებას ზეიმობს

რელიგია

06.01.2025

სომხური სამოციქულო ეკლესია ერთადერთია ქრისტიანულ ეკლესიებს შორის, რომელიც ქრისტეშობასა და ნათლისღებას ერთ დღეს აღნიშნავს.

დღესასწაულის წინა დღეს კი, სპეციალური ლიტურგია ლამპრებით აღევლინება. წირვის შემდეგ მორწმუნეებს სანთლები და ლამპრები სახლში მიაქვთ, ნიშნად ბეთლემის ვარსკვლავისა, რომელმაც მოგვებს გზა გაუნათა ახალდაბადებულ მაცხოვართან მისასვლელად.

6 იანვარს დილით საშობაო წირვა იწყება, რომელიც შემდეგ ნათლობის რიტუალით გრძელდება.

ძველი აღთქმის თანახმად, ოცდაათ წლამდე ასაკის ადამიანებს ქადაგების უფლება არ ჰქონდათ. ეკლესია ქრისტეშობასა და ნათლისღებას ერთ დღეს იმიტომ აღნიშნავდა, რომ ქრისტემ ქადაგება 30 წლისამ, ნათლობის შემდეგ დაიწყო.

შობისწინა კვირა, 30 დეკემბრიდან 5 იანვრის საღამომდე სომხეთში მარხვის კვირად მიიჩნევა. ძველი წელთაღრიცხვის მიხედვით, სომხები ახალ წელს 1 ნავასარდს, ანუ 11 აგვისტოს აღნიშნავდნენ.

ახალი წელთაღრიცხვის დამკვიდრების შემდეგ ახალი წელი 31 დეკემბერს აღინიშნებოდა. მარხვა 5 იანვარს, საღამოს, ეკლესიებში საშობაო ლიტურგიის აღვლენის შემდეგ მთავრდება.

დღესვე, 6 იანვარს, საშობაო ლიტურგიის შემდეგ, წყალკურთხევის რიტუალი ტარდება ბიბლიით, ჯვრითა და მირონით. ამის შემდეგ წყალს დამსწრეებს ურიგებენ. მომდევნო დღეს სომხური ეკლესია მიცვალებულთა ხსოვნის დღეს აღნიშნავს და პანაშვიდს იხდის მათი სულების სიმშვიდისათვის.

შობის დღესასწაულისთვის აკურთხებენ როგორც საცხოვრებელ სახლებს, ისე სამუშაო ადგილებსაც.

7 იანვარს მერელოცი, ანუ მიცვალებულთა ხსენების დღე აღინიშნება. საღვთო ლიტურგიის შემდეგ ეკლესიებში მიცვალებულთა სულების განსვენებისთვის ლოცულობენ და საფლავებზე გადიან.

შობის დღესასწაული სომხეთში 13 იანვრამდე გრძელდება.

თეგები: ნათლისღება / სომხური შობა /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.