საქართველოში რძის იმპორტი თითქმის გაორმაგდა

სოფლის მეურნეობა

06.04.2025

საქართველოში რძის იმპორტი თითქმის გაორმაგდა. უფრო კონკრეტულად, 2025 წლის იანვარ-თებერვალში იმპორტი წლიურად 93%-ით არის გაზრდილი.

საქართველოს სტატისტიკის ეროვნული სამსახურის მონაცემებით, 2025 წლის იანვარ-თებერვალში ქვეყანაში შემოვიდა 3 448 ტონა რძე, რომლის ღირებულებამაც 3.42 მილიონ დოლარს გადააჭარბა. ეს კი მაშინ, როცა გასული წლის იმავე პერიოდში იმპორტირებული იყო 1 786 ტონა რძე, რის ღირებულებაც 2.14 მილიონ დოლარს აღწევდა.

შარშან საანგარიშო პერიოდში 1 ლიტრის საშუალო საიმპორტო ფასი გადასახადების გარეშე 1.2 დოლარი იყო, 2025 წლის პირველ ორ თვეში კი 99 ცენტი. მონაცემები აჩვენებს, რომ საიმპორტო ფასი 17.5%-ით არის შემცირებული.

აღსანიშნავია ისიც, რომ წელს საანგარიშო პერიოდში ყველაზე მეტი რაოდენობის რძე საქართველოში აზერბაიჯანიდან შემოვიდა. ამ პერიოდში აზერბაიჯანის წილი მთლიანი რძის იმპორტში თითქმის 60% იყო.

უფრო კონკრეტულად, 2025 წლის იანვარ-თებერვალში რძე ყველაზე მეტი რაოდენობით შემდეგი 5 ქვეყნიდან ვიყიდეთ:

აზერბაიჯანი - 1.78 მლნ დოლარის 2 053 ტონა (ლიტრი საშუალოდ 87 ცენტი);

პოლონეთი - 460 ათასი დოლარის 474 ტონა (ლიტრი საშუალოდ 97 ცენტი);

ბელარუსი - 202 ათასი დოლარის 245 ტონა (ლიტრი საშუალოდ 82 ცენტი);

თურქეთი - 168 ათასი დოლარის 180 ტონა (ლიტრი საშუალოდ 93 ცენტი);

რუსეთი - 244 ათასი დოლარის 144 ტონა (ლიტრი საშუალოდ 1.69 დოლარი).

თეგები: იმპორტი / რძე /

Հեղինակ:

Tv9news

Երկ.

Երեք.

Չոր.

Հինգ.

Ուրբ.

Շաբ.

Կիր.