Ժողովրդական պաշտպան Լևան Իոսելիանին հայտարարություն է տարածում «Ժողովրդական պաշտպանին առընթեր ազգային փոքրամասնությունների խորհրդի» որոշ անդամների հեռանալու մասին տարածված տեղեկատվության առնչությամբ։

Ինչպես նշվում է հաղորդագրության մեջ, ոչ «Ժողովրդական պաշտպանին առընթեր կրոնական փոքրամասնությունների խորհուրդը», ոչ էլ «Ժողովրդական պաշտպանին առընթեր ազգային փոքրամասնությունների խորհուրդը» կառուցվածքային առնչություն ունեցող սուբյեկտներ չեն Ժողովրդական պաշտպանի գրասենյակի հետ։

«Ցանկանում ենք արձագանքել «Ժողովրդական պաշտպանին առընթեր ազգային փոքրամասնությունների խորհրդի» որոշ անդամների հեռանալու մասին տարածված տեղեկատվությանը։ Հատկանշական է, որ ոչ «Ժողովրդական պաշտպանին առընթեր կրոնական փոքրամասնությունների խորհուրդը», ոչ էլ «Ժողովրդական պաշտպանին առընթեր ազգային փոքրամասնությունների խորհուրդը» կառուցվածքային առնչություն ունեցող սուբյեկտներ չեն Ժողովրդական պաշտպանի գրասենյակի հետ։ Երկու խորհուրդներն էլ անկախ, ինքնակարգավորվող սուբյեկտներ են, և չնայած Ժողովրդական պաշտպանի գրասենյակի հետ երկար տարիների համագործակցությանը, Ժողովրդական պաշտպանը երբեք ներգրավված չի եղել խորհուրդների կողմից իրենց անկախ քաղաքականության, գործունեության և որոշումների կայացման հարցում: Ըստ այդմ, այն չի կարող պատասխանատվություն կրել խորհուրդներում զարգացող ներքին գործընթացների համար։

Ժողովրդական պաշտպանի գրասենյակն ակտիվորեն աշխատում է կրոնական և էթնիկ փոքրամասնությունների իրավունքների պաշտպանության հարցով, և այդ նպատակով Ժողովրդական պաշտպանը և նրա ներկայացուցիչները տարածաշրջանային և կենտրոնական մակարդակներում ամեն տարի հանդիպումներ են ունենում կրոնական և էթնիկ փոքրամասնությունների ներկայացուցիչների հետ, ինչպես նաև համապատասխան հարցերով աշխատող հասարակական կազմակերպությունների հետ։ Գրասենյակի կողմից բացահայտված մարտահրավերները և դրանց լուծման ուղղությամբ մշակված առաջարկությունները արտացոլված են Ժողովրդական պաշտպանի խորհրդարանական զեկույցում: Ժողովրդական պաշտպանը և նրա գրասենյակը կշարունակեն համագործակցել բոլոր այն կազմակերպությունների հետ, որոնք աշխատում են կրոնական և էթնիկ փոքրամասնությունների իրավունքները պաշտպանելու համար»,- ասվում է հայտարարության մեջ։