Գազաֆիկացման գործնթացներից մինչ օրս, գազի արտահոսքի հետևանքով Ախալցիխեում մահացել է 4 մարդ, իսկ թունավորվածների թիվը հասնում է մինչև 20-ի:

Բնական գազով վերջին դեպքը Ախալցիխեում հունվարի 9-ին է գրանցվել, երբ տանը տատիկը մայրը և երեխան թունավորվեցին: Հարևանները չեն բացառում ջեռուցիչների ինքնակամ տեղադրելը որպես արտահոսքի պատճառ: Նրանց կարծիքով, այս դեպքում պատասխանատվությունը կրում են հավասարաչափ, ինչպես ընկերությունը, այնպես էլ քաղաքացին:

«Ընտանիքում էլ որ լինի խնդիրը, միևնույն է պետք է զանգահարել հարկադիր մարմինների: Դու ինքդ որ ինչ որ բան փոխես, հնարավոր է էլ ավելի վատացնես դրությունը»,- ասում է Ախալցիխեի բնակիչ՝ Դավիթ Մերաբիշվիլին:



«Մի քիչ որ ուշացնում ես վճարումը, անմիջապես գալիս անջատում են, անվտանգության մասին ոչ ոք չի մտածում: Օտարերկրացի ունեմ հարևանությամբ, ինչ որ սարքավորում է բերել գազի կողքը տեղադրել, որ արտահոսք լինի, սարքավորումը նշան կտա: Այսպիսի սարքավորում որ տեղադրեն իրենց մոտ կամ որ գան հաճախ ստուգեն ի՞նչ կլինի: Մենք ամեն կերպ անպաշտպան ենք»,- ասում է Մեվլուդ Խիլաձեն:

Ողբերգական մի դեպք, երբ ընտանիքի 2 անդամները գազի արտահոսքից մահացան, Ախալցխայում 2016 թվականի դեկտեմբերի 26 է տեղի ունեցել: Թամարաշվիլի փողոցի բնակելի շենքի 4-րդ հարկում գազի արտահոսքից թունավորված ամուսիններ՝ Մարինա Զումբաձեին և Թեմուր Խիլարիշվիլիին հարևանները նրանից հետո գտան, երբ 5-րդ հարկի բնակիչները իրենց վատ զգալով շտապ օգնություն կանչեցին:

«Թեմուրը ներսում էր նստած, բազմոցին, իսկ Մարինան լոգարանում էր, գլուխը խոնարած, նստած էր: Շատ մեծ ողբերգություն էր մեզ համար: Ավտովթարից կամ հիվանդությունից որ մահանում է մարդը, լրիվ ուրիշ է, բայց որ տանը նստած ես, խաղաղ մթնոլորտում և հանկարծ, ոչնչի պատճառով կյանքից հեռանում ես, կրկնակի ցավալի է»,- ասում է Խիթարիշվիլիների ընտանիքի բարեկամը. Նազի Զումբաձեն պատմում է,որ այդ օրը 5-րդ հարկում ընտանիքի բոլոր անդամները, այդ թվում երեխաները նույնպես թունավորվել էին:

« Շատ վատ ձմեռ էր այդ տարի: Լավ չեմ հիշում,ասում էին ճիշտ չտեղադրված սարքավորումների պատճառով եղավ այն ինչ եղել էր: Մեղադրեցին այն, որ ձյունից փակվել էր գազի օթանցքը և այն դարձել էր հետ՝ տուն»,- ասում է Նազի Զումբաձեն:

Այս խնդիրը Ախալցիխեում դարձավ էլ ավելի աքտուալ,երբ Դիդի (Մեծ) Դիղոմիում տեղի ունեցավ պայթյունը, որի հետևանքով մի ամբողջ ընտանիք զոհվեց: Տեղացիները պնդում են, որ իշխանությունը պետք է հետևի այս հարցին:

« Գազի օգտագործումը անվտանգ չէ: Սակայն պարբերաբար ստուգում ենք: Պատասխանատվությունը պետության և ընկերության հետ մեկտեղ, քաղաքացին էլ պետք է կրի: Գազի հետ պետք է ճիշտ աշխատանքներ կատարել, այն շատ վտանգավոր է»,- ասում է Ազա Փոցխվեռաշվիլին:

« Կարծես բոլոր դեպքերը ընտանիքում սխալ տեղադրված սարքավորումների հետևանքով են լինում»,- ասում են ընկերություն «Ինտերգազ»-ում:

2009 թվականից այս կողմ գազի արտահոսքից թունավորման և մահացու դեպքեր պահվել են նաև 9-րդ ալիքի արխիվում: