Պետության կողմից ֆակուլտետների ֆինանսավորման համակարգը փոխվում է:
Կրթության նախարարը ֆինանսավորվող ֆակուլտետների վերացման մասին փոքր հայտարարություն է արել:
Մեդեա Լոմիձեն հանրային կառավարման առաջին կուրսի ուսանող է:Սամցխե-Ջավախքի պետական համալսարանում սովորելը ամբողջովին ֆինանսավորում է պետությունը: Ընտանիքում տնտեսական իրավիճակից ելնելով, մասնագիտությունն ընտրելուց ամենակարևորը ֆինանսավորումն համարեց:

«Շատ էի ուզում հանրային կառավարությունում սովորել, բայց վճարովի էր:Դրա համար պատրաստվում էի ընդունվել տնտեսագիտական բաժին: Բարեբախտաբար, անցած տարի այս ֆակուլտետն էլ դարձավ անվճար: Հուսով եմ, որ կրթության նախարարության հայտարարած փոփոխությունները չեն խանգարի ինձ նման երիտասարդներին»,- ասում է Մեդեա Լոմիձեն:

11-րդ դասարանի աշակերտ Գիորգի Բեռիձեն պատրաստվում է համալսարան ընդունվելուն:Դպրոցի աշակերտը Սամցխե-Ջավախքի պետական համալսարանում պետության կողմից ամբողջովին ֆինանսավորված մասնագիտություն է ուզում ընտրել:

«Կարծում եմ, հանրային կառավարություն կնտրեմ, քանի որ անվճար է:Եղբայր էլ ունեմ, և ընտանիքս 2 ուսանողի ուսման համար վճարել կդժվարանա:Դրա համար այսպիսի որոշում եմ կայացրել»,- ասում է Գիորգի Բեռիձեն:

Երբ Գիորգին ուսանող կդառնա, հենց այդ ժամանակ նոր փոփոխությունների կսկսեն գործել:Անվճար ֆակուլտետների վերացման մասին, Միխեիլ Բատիաշվիլին խոսեց խորհրդարանի նիստի ժամանակ և հայտարարեց, որ ֆինանսավորման ներկայիս գործընթացը ոչինչ չի տալիս և արդյունքների վրա կենտրոնացված չէ: Անվճար ֆակուլտետների ֆինանսավորման համար տարեկան 12 մլն լարի է ծախսվում բյուջեից, Սակայն հարցի ուսումնասիրության ժամանակ պարզվել է, որ ծրագիրը չի արդարացրել սպասելիքները: Նոր փոփոկությունների վրա նրանք աշխատում են համաշխարհային բանկի փորձագետների հետ:

«Ամեն ինչ կանենք, որպեսզի անվճար ֆակուլտետներ այլևս չլինեն: Պետք է գնանք դեպի նոր համակարգ, որը երաշխավորման համակարգի վերականգնումն ի նկատի ունի:Իսկ այն գումարը, որը ծախսվում էր ֆակուլտետների ֆինանսավորման վրա, կբաժանվեն գնահատման ցուցանիշների վրա, որոնց մասին այժմմտածում են Համաշխարհային բանկի փորձագետների հետ », - ասել է Միխեիլ Բատիաշվիլին:

«Մի քայլ առաջ» -այսպես է գնահատում Միխեիլ Բատիաշվիլիի նոր հայտարարությունը Սամցխե-Ջավախքի պետական համալսարանի ռեքտոր՝ Մակա Բեռիձեն:

«Այսօր համալսարանը պետությունից ֆինանսավորում չի ստանում:Մեր եկամուտը կախված կլինի ուսանողների վճարումներից: Այստեղ կա նաև համալսարանի հիմնական ֆինանսավորման հարցը: Սա ուսումնական հաստատության կայունության հիմքն է: Հստակ կգիտենանք, որ պետությունը ամեն տարի որոշակի գումար կտրամադրի համալսարանին:Այլ բարությունից բացի, համալսարանը կկարողանա ինքնուրույն ընտրել և ֆինանսավորել ֆակուլտետները»,- ասում է Սամցխե-Ջավախքի պետական համալսարանի ռեքտոր՝ Մակա Բեռիձեն:

Համալսարանի նոր փոփոխություններին անցնելը տեղի կունենա 2020 թվականին: Կրթության փորձագետներն ասում են, որ փոփոխությունները արդյունավետ կլինեն այն ժամանակ, երբ բարեփոխում անցկացվի բոլոր մասերում: Կրթության նախարարի խոսքով, նախարարությունը բարեփոխումների մասին կներկայացնի սեպտեմբերին և չեն խուսափի արմատական փոփոխություններից: Ըստ նախարարության, բարեփոխումը կներառի կրթության բոլոր 5 փուլերը: