Վալեում, Ստալինի փողոցի բնակիչները 30-40 րոպե ժամանակ ունեն, որպեսզի ամբողջ օրվա համար ջուր ունենան: Այս ժամանակահատվածում տեղացիները անոթները լցնում են ջրով: Խմելու ջուրը քաղաքի այս մասում առավոտյան 10:30-ից մինչև 12-ն է հասանելի:
Որոշ փողոցներում ջուրը միայն աղբյուրից է գալիս, բնակչությունը դույլերով սպասում են իրենց հերթին:

Վալեցիների ևս մեկ խնդիրը կոյուղային համակարգն է: Քաղաքի մեծ մասում կոյուղային համակարգ երբեք չի գործել:

«Վրաստանի միասնական Ջրամատակարարման Ընկերություն»-ը քաղաք Վալեում սկսում է ջրամատակարարման համակարգի վերանորոգումը: Վերականգնման աշխատանքների համար տենդերպւմ գումարը կազմում է 6 մլն. 371 659 լարի: Ամենացածր գումարն առաջարկել է ՍՊԸ «Ալգեթի»-ն: Ներկայումս ընթանում է հարկավոր վերանորոգման աշխատանքների ընտրությունն ու գնահատումը: Հաղթող ընկերությունը աշխատանքները պետք է սկսի 2019 թվականի ապրիլ ամսին և պետք է ավարտի 14 շաբաթում:

«Վալեում ջրամատակարարման համակարգը ընդհանրապես չի գործում: Քաղաքում ջուրը տրվում է մի քանի ժամով, ջրի կորուստն էլ շատ է»,- հայտարարում են ջրամատակարարման ընկերությունում, որտեղ վստահեցնում են, որ ծրագրի իրականացումից հետո քաղաքում մշտական մաքուր ջուր կլինի: Ջրային համակարգի վերականգնման սկսման մասին բնակչությունը տեղյակ են: Սակայն նրանցից ոմանք պահանջում են ստորջրյա ջրատար խողովակների հետ միասին վերականգնել նաև կոյուղային համակարգը:

«Մշտական խմելու ջրի մատակարարումը իհարկե շատ լավ է, սակայն ու՞ր պետք է գնա օգտագործված ջուրը: Արդեն տարիներ է, ինչ անոթներով վազվզում ենք»,- ասում են Վալեում:

«Վրաստանի միասնական Ջրամատակարարման Ընկերություն»-ում չեն խոսում այն մասին, թե ինչու՞ չեն վերանորոգում կոյուղային համակարգը:

Նույն հարցով դիմել են Ախալցիխեի քաղաքապետարան: Փորձե՞լ են, թե ոչ կոյուղային համակարգի վերանորոգման մասին համաձայնության գալ ընկերության հետ: Ե՞րբ են ծրագրում համակարգի վերականգնումը, կամ ու՞ր պետք է գնա Վալեում բնակվող 5 700 բնակիչների օգտագործած ջուրը- հարցերի պատասխաններին սպասում են մինչ այժմ:



Մինչ այդ,«Ժողովրդավարական մեսխերի միություն»-ում ուսումնասիրել են տենդերային փաստաթուղթը: Քաղաքացիական կազմակերպությունում ասվում է, որ ջրի համակարգի վերանորոգման հետ մեկտեղ, կոյուղային համակարգի վերանորոգումն էլ պետք է իրականացվի: Սրանով տեղացիների խնդիրը կլուծվի և բյուջեից էլ քիչ փող կծախսվի:

Հասարակական կազմակերպությունը մատնանշում է «տեղական ինքնակառավարման օրենսգրքի»-ն, որի 16-րդ հոդվածի համաձայն, քաղաքապետարանի լիազորությունների մի մասը տարածքում ջրամատակարարման ապահովումն է:

Այլ դեպքում բնակչությունը մտադիր է դիմել պետիցիայի, որի ժամանակ ինքնակառավարությունը կստանա գրավոր փաստաթուղթ բնկաչության ստորագրություններով, որպեսզի քննարկի կոյուղու ցանցի կառուցման հարցը:

«Մենք կդիմենք ամեն հնարավոր քայլի, որ քաղաքապետարանը հաշվի առնի տեղացիների պահանջները»,- ասում է Ջաբա Նաթենաձեն: