Գյուղ Զիկիլիայում բողոքում են կեղտոտ ջրի պատճառով

Հասարակություն

24.03.2019

Զիկիլիայում ապրող Վանո Գելաշվիլին ամեն առավոտ ծորակին վիրակապ է փաթաթում, որպեսզի երեխաները ջու խմելու ժամանակ ավազ կամ կեղտ չխմեն:

Բնակչությունն ասում է, որ անպաշտպան ջրահամակարգի պատճառով, ջուրը պղտորվում է և բնակչությունը ստանում է կեղտոտ ջուր:

Ըստ տեղացիների՝ անձրևների ժամանակ արդեն կեղտոտված ջուրը ամռանը չորանում է և բնակչությունը խմելու ջրից բացի, ունենում է նաև ոռոգման խնդիր:

«Կեղտոտ ջուր է գալիս.. վախենում ենք: Երեխաներին ինչպե՞ս տանք այդ ջուրը: Ծորակին բինտ ենք փաթաթում, որ հող և կեղտ չհոսի»,- ասում է գյուղ Զիկիլիայի բնակիչ՝ Իվանե Գելաշվիլին:

«Ջուրը չի զտվում, սարսափելի է: Գյուղում հիվանդությունների թիվն էլ է աճում»,- ասում է Թեմուր Կուրտանիձեն:

Խմելու ջրի խողովակ տեղադրել են գյուղի բնակիչները, սակայն գործն ավարտին հասցնելու համար անհրաժեշտ գումար չունենալու պատճառով, մնացել է անավարտ:

Բնակչության կարծիքով՝ չզտած ջրում հաճախ հանդիպում է ձուկ, ավազ, մանր քարեր և այլն:

Հոգաբարձու՝ Գրիգոլ Ղամբաշիձեի խոսքով, գյուղում մաքրման աշխատանքներ տարվում են պարբերաբար:

Ստեղծված խնդիրների պատճառով, բնակչության մեծ մասը «աջակցություն գյուղին» ծրագրի սահմաններում, որպես առաջնայնություն նշել է ջրանցքի կարգավորումը:

Ախալցխայի քաղաքապետարանի տեղեկությամբ՝ Ծինուբան, Գուրկել, Ագարա, Զիկիլիա և Մուգարեթ գյուղերում առաջին փուլի վերանորոգման աշխատանքները արդեն սկսվել են:

Ծրագիրը ֆինանսավորվում է տարածաշրջանում իրականացվող աշխատանքների հիմնադրամից և տեղական բյուջեից:

Ծրագրի երկրորդ փուլը կավարտվի 2019 թվականի վերջերին, սա նշանակում է Մուգարեթ գյուղի ամբողջ մայրուղու վերանորոգումը:

Չնայած այս ամենին, այն, թե գյուղ Զիկիլիայի բնակչությունը ե՞րբ է ստանալու մաքուր ջուր՝ դեռևս անհայտ է:

Հեղինակ:

სირუშო ანტონიანი

Երկ.

Երեք.

Չոր.

Հինգ.

Ուրբ.

Շաբ.

Կիր.