Մարզիչը մարզասրահից այն կողմ, տեսնում է դպրոցի տնօրենի սեփական շահերը:
Ախալցիխեի երրորդ հանրային դպրոցի տնօրենը՝ Սուսանա Ակոփովան, դպրոցի կառույցի մի մասը մտնել չի կարող: Ասում է, որ բռնցքամարտի մարզիչը, մարզասրահի հետ մեկտեղ փակել է նաև մի քանի սենյակներ: Երկու տարի է, այս տարածքի համար առաջացած վեճը դատարանում է: Ամեն ինչ սկսվեց այն ժամանակ, երբ երկու կողմերի միջև պայմանագրի ժամկետը լրացավ և բռնցքամարտ՝ Գևորգ Շուշանյանը առանց իրավական հիմքի դահլիճը սեփականացրեց:

Գևորգ Շուշանյանը 26 տարի շարունակ երեխաների հետ աշխատել է Ախալցիխեի #3 դպրոցի մարզադաշտում: Այժմ նա ունի 30 մարզիկներ, որոնք ամսեկան 30 լարի են վճարում, սակայն ոչ կանոնավոր կերպով:

Երկու տարի առաջ դահլիճը վերանորոգեց և նոր գույք տեղադրեց: Պարապմունքային տարածքի համար մարզիչը սեփական խնայողություններից ծախսել է 25 000 լարի:

«Որ գնամ, այսպես պեմ թողնի: Հատակն անգամ կտանեմ և ուր որ գնամ այնտեղ կհարմարվեմ: Տնօրենի սկզբունքների համա՞ր պետք է քանդվի այս դահլիճը»,- ասում է Շուշանյանը:

Դպրոցի տնօրենը պնդում է, որ 2 տարի է, բռնցքամարտի մարզիչը չի վճարում ժամկետն անց պայմանագրով նշանակված վարձը ՝ 67 լարին: Նա ոչ էլ կոմունալ հարկերն է վճարում, որի համար, ըստ տնօրենի, դպրոցը վճարում է մոտ 500 լարի:

Մարզիչը չի ժխտում, որ «երբ գործին է հարկավոր» գիշերում է աշխատանքային սենյակում: Նրա տրամադրության տակ է հանդերձարանը եւ նկուղի մի մասը, որտեղ պահված է հին գույքը: Իսկ Սուսանա Ակոփովայի մեղադրանքների վերաբերյալ ասում է, որ հոսանքի և ջրի հարկերը վճարում է, հաստատող փաստաթղթերը՝ դատարանում են:

«Աուդիտը գնահատել է դահլիճը, ամեն տարի նոր պայմանագիր էինք կնքում: Երբ լրացավ վերջին պայմանագրի ժամկետը, վարձը փոխանցեցի դպրոցի հաշվեհամարին, հետ վերադարձրին, ասելով, որ պայմանագիր չկա և չի կարելի: Դրանից հետո չեմ վճարում, մինչև մի բան պարզվի»:

Մարզիչը կասկածում է, որ դպրոցի տնօրինությունը դահլիճի հետ կապված այլ ծրագրեր ունի:

«Կարծում եմ, այս դահլիճում դպրոցի տնօրենը, թոռան համար պարային խումբ է ուզում բացել»:

Սուսանա Ակոփովան ասում է, որ թոռնիկը, ով պարել իսկապես սիրում է, 12-րդ դասարանի աշակետուհի է և ուսումը շարունակելու է Երևանում: Դահլիճը կրկին պատրաստվում է հանձնել վարձակալությամբ: Վարձավճարը հաստատում է աուդիտը: Վարձակալ կնտրվի աճուրդի համաձայն: Իսկ ցանկացողները պետք է բավարարեն հատուկ հանձնաժողովի կողմից սահմանված չափանիշները: Սուսանա Ակոփովան Գևորգ Շուշանյանին նույնպես առաջարկում է մասնակցել աճուրդում: Մարզիչն ասում է, որ եթե ստիպված լինի հեռանալ դպրոցից, ամենայն հավանականությամբ այլևս հետ չի վերադառնա:

«Եթե ասում է, որ կրկին մարզասրահ պետք է լինի, ուրեմն ինչու՞ է սա ավերում»:


Գևորգ Շուշանյանը մարզասրահում

Դահլիճի վերաբերյալ վեճը դատարանների բոլոր երեք ատյաններում ավարտվել է ի օգուտ դպրոցի:

«Օգոստոսին, Թբիլիսիում կանցկացվի Եվրոպայի առաջնությունը: Ստիոպա Կաճկաճիշվիլին ուժեղ երեխա է: Լավ է կռվում, ուզում եմ տանել, որ մասնակցի: Բայց եթե այսպես շարունակվի, ինչպե՞ս եմ տանելու: Պարապմունքների մասին մտածե՞նք, թե այս խառնաշփոթի»:

Աշակերտների հետ մեկտեղ, մարզադաշտում պարապում են նաև նախկին մարզիկները: Շուշանյանի նման, նրանք էլ կարծում են, որ մարզասրահը գումարի և վճարման պատճառով չէ, որ աշատում են:
Մարզիչը բողոքում է նաեւ տեղական իշխանություններին: Ըստ նրա, Բռնցքամարտիկներին իրադարձություններին չեն հրավիրում: Իսկ մրցաշարերին մասնակցելու համար ֆինանսական աջակցությունը մերժում են:

«Քանի անգամ եմ ասել, մրցույթ կա, օգնեք: Քաղաքապետարանին ասում եմ, իմ անունից չէ, Ախալցիխեի պատիվն է, կարևորը երեխաները մասնակցեն: Առաջնություններին, մեր քաղաքից խումբ ինչու՞ չպետք է մասնակցի: Ուր որ գնացել եմ, ասում են, ազգային ես: Սա՞ է ազատ Վրաստանը»:

Ախալցիխեի քաղաքապետարանում ասում են, որ Գևորգ Շուշանյանը նրանց երբեք չի դիմել:

«Սպորտի խրախուսումը մեր առաջնահերթությունն է: Այս մարդը մեզ երբեք չի դիմել, ոչ առաջնությունների ֆինանսավորման և ոչ էլ Ախալցիխեում անցկացվող միջոցառումներին մասնակցելու համար»- ասում են քաղաքապետարանի հասարակության հետ հարաբերությունների գործակալությունում:

Բռնցքամարտիկները դպրոցի դահլիճը պետք է ազատեն մինչև մայիսի մեկը: Նշված ժամկետը՝ իրականացման ազգային գործակալությունը տնօրենի համաձայնությամբ է նշանակել: Գևորգ Շուշանյանը Ախալցիխեում նոր նկուղ է փնտրում: