Սամցխե-Ջավախքում որսորդները որսալ կարող են միայն թռչուններին: Թռչունների տեսակները խիստ սահմանափակ են, որի պատճառով տեղացի որսորդները բողոքում են:

70-ամյա Նուգզար Զեդգինիձեն մանկուց որսորդությամբ է զբաղվում: Ազատ ժամանակը, եթե որսորդության շրջանը սկսվել է, գնում է Ջավախք, լոր որսալու:

Որսոդությունը թույլատրելի է մինչև մարտի մեկը, սակայն որոշ թռչուններ հայտնվում են միայն մարտի 15-ից հետո:



Նուգզար Զեդիգինձեն տարիներ շարունակ ղեկավարում էր «Որսորդներ-ձկնորսների հասարակությունը»: Ասում է, որ 2003-2006 թվականներին Սամցխե-Ջավախքում գրանցված էին 800 լիցենզավորված որսորդներ: 2005 թվականին կազմակերպության իրավասությունը կասեցվել է, որից հետո տարածաշրջանում որսորդների թվաքանակը անհայտ է:

«Հիմա ամեն ինչ պետության սեփականությունն է: Չնայած իրավասության կասեցմանը, որսորդներով հավաքվում ենք, ամեն ինչ ունենք, սակայն ի՞նչ իմաստ»,- ասում է Նուգզար Զեդգինիձեն:



Որսորդությունը 15 տարեկանում սկսել է Մերաբ Սամսոնիձեն: Խստացված կանոնների պատճառով, 2 տարի առաջ զենքը վաճառեց:

«Այնպիսի անիմաստ կանոններ են ընդունել, որ որսորդությունն ատում եմ: Այն ինչը որսալ թույլատրելի է աշխարհում, Վրաստանում արգելված է»,- ասում է Մերաբ Սամսոնիձեն:

Ռատի Դիասամիձեն 6 տարի շարունակ լիցենզավորված որսորդ է: Երիտասարդ տղամարդն ասում է, որ Սամցխե-Ջավախքի մասշտաբով, ցանկացած կենդանու սպանությունն արգելված է: Որսը թույլատրվում է միայն չվող թռչունների վրա: Որսորդները ստիպված են սպասել լորերի գալուն:



Մեսխ որսորդների հետ, ովքեր օրենսդրությունում որսորդության ժամկետի փոփոխություն են պահանջում, չի համաձայնվում «Վայրի բնության գործակալության» պետը: Ռեւազ Բեժաշվիլին ասում է, որ գլոբալ տաքացման պատճառով, վերջին երկու տարիների ընթացքում Ազովյան ծովափին Կրասնոդարի և Ստավրոպոլի ջրամբարները չեն սառչում, որի պատճառով թռչունները Վրաստանի հարակից տաք երկրներ այլևս չեն չվում:

Կենսաբազմազանության պահպանության գիտահետազոտական կենտրոնը ասում է, որ որսի սեզոնի փոփոխությանը հարկավոր է հիմունքային հետազոտություն:



Որսորդության շրջանը բացված է համարվում Օգոստոսի 3-րդ շաբաթից: Նրա համար, որ որսորդը Վրաստանում կենդանի որսալու իրավունք ստանա, երկարատև ընթացակարգեր են հարկավոր: Քաղաքացին տեղական իշխանությանը պետք է ներկայացնի փաստարկներ, որ որսը բնակելի մասի համար վտանգ է հանդիսանում: Միայն այս փաստաթղթերը ներկայացնելուց երեք շաբաթ անց որսորդը կստանա, օրինակ՝ գայլ որսալու թույլտվություն: Չնայած սրան երկրում որսորդների քանակը աստիճանաբար նվազում է: