Ախալցիխեի հինգերորդ հանրային դպրոցի առաջին դասարանցիների հանդեսը մնացած դպրոցներից ոչնչով չէր տարբերվի, եթե ոչ փոքրիկ նշանը: Հասարակության ուշադրությունը գրավեց երեխաների անսովոր հագուստը:

Առաջին դասարանցիները այբբենարանի հանդեսին ելույթ ունեցան սպիտակ վերնաշապիկների վրա կարմիր վզկապերով զարդարված: Ըստ ծնողների, երեխաների նման ոճը դասղեկի որոշումն էր:

«Դասարանի դասղեկի գաղափարն էր: Չեմ հարցրել, թե ինչու՞ հենց կարմիր վզկապներ»:

«Կարեցինք, մեկ վզկապի համար վճարեցինք 1,50 լարի: Ուսուցիչը ուզում էր, մենք էլ համաձայնվեցինք: Այլ դասարաններից տարբերվելու համար, որոշեց իբր փոքրիկ պիոներներ են: Բոլորը հավանեցին, անգամ տնօրենը»:

Դասղեկի որոշման դիմաց ոչ մի ծնող չի բողոքել:

«Կարմիր վզկապը խնդի՞ր է: Ծնողները տեղյակ չեն: Ուսուցիչը կամ տնօրինությունը չպետք է իմանա, որ արգելված նշան է: Ինչ որ ասում են, մենք այդպես անում ենք»,- ասում են ծնողները:

Ի տարբերություն ծնողների, դասղեկը հերքում է այն փաստը, որ երեխաներին ուզում էր նմանացնել պիոներների: Ըստ Լուիզա Մղեբրիշվիլիի, մայիսի 27-ին անցկացված միջոցառումը նվիրել են Վրաստանի անկախության օրվան: Նրա աշակերտները վզկապեր անցած հանդեսներին էլ ունեցել են, բայց ոչ թե կարմիր, այլ կանաչ և մանուշակագույն:

«Սպիտակ վերնաշապիկ և կարմիր գետրիներ հագցրինք, վզկապն էլ ոճի համար էր: Փողկապ չէր սազում, դրա համար էլ վզկապ ընտրեցինք: Չէի կարծում, որ պիոներական տեսք կունենային, թե չէ նման քայլի չէի գնա: Ուրիշ գույն կընտրեի»,- ասում է Լուիզա Մղեբրիշվիլին:

Այս հարցը խնդիր չի համարվում նաև դպրոցի տնօրենի համար: Ինգա Վարդիձեն ասում է, որ դասարանը որոշել էր դրոշի գույների հետ համապատասխան հագնվել:

Ի տարբերություն Ինգա Վարդիձեի, քաղաքացիական ոլորտը համարում է, որ դպրոցում կարմիր վզկապը խնդիր է:

«Կարմիր վզկապերի փոխարեն կարող էին Վրաստանի խորհրդանիղը օդտագործել: Սա նոստալգիա է Խորհրդային Միության նկատմամբ, հատկապես միջին տարիքային մարդկանց համար»,- ասում է «Դեմոկրատական ներգրավվածության կենտրոնի» Ախալցիխեի գրասենյակի ներկայացուցիչ ՝ Ամալիա Սարքիսյանը:

Քաղաքացիական գիտակցության խնդիր – Այսպես է գնահատում քաղաքագետը հինգերորդ դպրոցի ուսուցչի որոշումը: Գիորգի Գոբրոնիձեն համարում է, որ այս քայլը քննադատական մտածողության պակասն է:

«Նորմալ չէ, որ 21-րդ դարում երեխային հագցնես պիոներական հագուստ: Սա վարչակազմի համար հաճելի էր երևի այն պատճառով, որ նրանք էլ երբևիցե եղել են պիոներներ և դրանից լավ բան պեն տեսել, ցույց տվեք ավելի լավը, նման չեն հագցնի»,- ասում է միջազգային հարաբերությունների մասնագետը: Ըստ նրա կրթության նախարարությունը ուսուցիչներին նորարարություններ չի առաջարկում, հատկապես տարածաշրջաններում:



«Ախալցիխեի երիտասարդական կենտրոնի» տնօրենին դպրոցներում հաճախ է հանդիպում Խորհրդային Միության խորհրդանշաններ:

«Ջավախքի գրեթե բոլոր դպրոցներում համազգեստը Խորհրդային գույներով է: Դպրոցը ազատ է, բայց որոշ արգելքներ այս ուղղությամբ, պետք է գործեն: Վերջին զանգերին երգում էին վրացական հիմնը, իսկ հիմա պարում են ռուսական երաժշտությունների տակ»,- ասում է Մակա Սուդաձեն: