Ծինուբանում ծծմբային ջրերով եթե հետաքրքրվեք, տեղացիները կասեն, որ ավերված ավազանը հնարավոր է, «Վրացական երազանք» կուսակցության նախագահը վերանորոգի։ Ծինուբանցիների մոտ հույս առաջացավ նրանից հետո, երբ Բիձինա Իվանիշվիլին այցելեց գյուղում գտնվող թերմային ջրերին։ Տեղացիներն ասում են, որ եթե բնական ռեսուրսները որևէ բիզնեսմենի ուշադրությունը չի գրավում, ուրեմն ավազանը ամբողջովին կավերվի, իսկ Ախալցիխեն կկորցնի յուրահատուկ ավազանները։

Գյուղ Ծինուբանից մոտ 3 կմ հեռավորության վրա, ճանապարհի ձախ մասում կտեսնեք շինության ավերակներ, որտեղից գոլորշի է բարձրանում: Այստեղ գրեթե մի դար է, ինչ հոսում են գեյզերային ջրերը։ Ծծմբային ջրի մշտական ջերմաստիճանը 39 աստիճան է։ Բնակչությունն ասում է, որ տարիների ընթացքում տարբեր քաղաքներից գյուղ գալիս են բուժվելու նպատակով։ 2005 թվականից, ինչ ավազանը պաշտոնական սեփականատեր չի ունեցել, սկսվել է նրա ավերումը։

Տեղացիները պահանջում են, որ բուժիչ ջրերին համապատասխան ուշադրություն դարձնեն։

Ծինուբանում ասեցին, որ Բիձինա Իվանիշվիլին ալցելել է այն ավազանը, որը 14 տարի է ավերված է։ Բնակչությունն ասում է, որ «Վրացական երազանքի» նախագահը հետաքրքրվել է ջրի օգտակար հատկություններով։

«Բիձինա Իվանիշվիլին եկել էր, ուսումնասիրեց ավազանների տարածքը, բայց ինչ նպատակով էր եկել, դա ոչ ոք չգիտի»:

Կազմակերպություններից մեկը, որի միջոցով Իվանիշվիլին իրականացնում է պատմական կառույցների վերականգնումը՝ «Քառթու» հիմնադրամն է։ Բարեգործական կազմակերպությունում ասում են, որ Ծինուբանի ծծմբային ավազանների հետ կապված ծրագրեր չունեն։

Հիմնադրամի նման, Ծինուբանի ավազանների վերականգնման հետ կապված ծրագրեր չունեն նաև տեղական իշխանությունները։ Մամլո գրասենյակում ասում են, որ քաղաքապետարանը գյուղում կկարգավորի միայն ճանապարհային ենթակառուցվածքը։



«Սա ռեսուրս է, որը անգործությամբ չպետք է կորցնենք: Չպետք է ժամանակ կորցնենք, պետք է աշխատի ներդրումային փաթեթը և պետք է ներդրող հրավիրեն։ Պետությունը պետք է ստեղծի լավագույն պայմանները։ Եթե գլխավոր իշխանությունը դա չի կարող անել և ռեսուրսը կկորցնի, հնարավոր է ինքնակառավարմանը տան հնարավորություն, որ պատրաստի զարգացման ծրագիրը»,- ասում է Ռեզո Գեթիաշվիլին։

Էկոնոմիկայի նախարարությունում սպասում են, թե երբ կհետաքրքրվի որևէ ներդրող, Ծինուբանի յուրահատուկ, ծծմբային ջրերով։