78- ամյա Գուրամ Խիթարիշվիլին Ռուսթավելի 101 համարում ապրում է շուրջ 34 տարի: Այստեղից 2 տասնյակ տարի պայքարում է բակից գոմաղբի հեռացման համար: Տեղացին ասում է, որ կենդանիների աղբի հոտը անհանգստացնում է, հատկապես ամռանը: Բացի դրանից, մոտակայքում ապրող բնակիչները ստիպված են դիմանալ նաև միջատների բազմությանը:

«Բազմիցս գնացել և խոսել եմ Զարզելի փողոցում բնակվող մարդկանց հետ: Բոլորն ասում են, մենք չենք մեղավոր, բա ո՞վ է, իմ խոսալուց հետո ավելի վատ քայլի դիմեցին և գոմաղբի պարունակությունը էլ ավելի մեծացավ»,- ասում է Գուրամ Խիթարիշվիլին:

Թոշակառու մարդը ասում է, որ Զարզմելի փողոցի բնակիչների հետ անիմաստ բանակցությունից հետո դիմել են նաև տեղական ինքնավարությանը, սակայն ապարդյուն:

«3 տարի առաջ գնացել էի քաղաքապետարան, բայց ուշադրություն ոչ ոք չդարձրեց: Սրանից հետո չգիտեմ ում դիմեմ, ում է վերաբերվում այս հարցը»:

Տեղացիներն ասում են, որ անձրևի ժամանակ գոմաղբը թափվում է ներքևի փողոց: Հիշում են նաև այն փաստը, երբ ջրհեղեղը աղբը տարել և նկուղներն էր լցվել:

«Գրեթե ամեն օր տեսնում ենք, թե ինչպես են լցնում աղբը մեր փողոցի կողմը: Սա մեկ օրվա, կամ մեկ ամսվա գործ չէ, տարիներ է, ինչ այսպես են վարվում: Չի բացառվում, հնարավոր է գոմաղբին են խառնում նաև տան աղբը»,- ասում է Նանա Մաթոշվիլին:

Ռուսթավելի փողոցի հարակից տարածքում գոմաղբի պարունակությունը աստիճանաբար մեծանում է: Բնակիչներն ասում են, որ սա դադարեցնելու համար ոչ մի հնար չունեն:

Նրանցից մեկը, ով գոմաղբը հավաքում է Զարզմելի փողոցում, Սիմոն Շուշանյանն է: Թոշակառու մարդն ասում է, որ անասնապահությունը ընտանիքի միակ եկամուտի աբյուրն է: Կաթը և կաթնամթերքները տարիներ է, ինչ վաճառում է կենտրոնական շուկայում: Զարզմելի համար 13 բնակարանում ապրող մարդն ասում է, որ գոմաղբը, որը մտահոգում է շատերին, մնացել է ձմռանից:

«Նախկինում ջուրը իսկապես քշում էր գոմաղբը, հիմա խողովակներ կան և այս խնդիրը լուծված է: Ոչ ոք չի անում այն, ինչ ես եմ անում: Մաքրում եմ անգամ այն ասֆալտը, որը կեղտոտում է կենդանին»,- ասում է Սիմոն Շուշանյանը:

Ինքնավարության ներկայացուցիչները երբեք չեն նկատել գոմաղբի բլուրը, որը 20 տարի շարունակ մեծանում է: Ռուսթավելի փողոցի նակիչների խնդրի մասին 9-րդ ալիքից տեղեկացել է վերահսկողության վարչության պետը: Միշա Մակարիձեն հավատացնում է, որ նրանց ոչ դիմել են, ոպ էլ նամակ ուղղարկել:

«Եթե բնակչությունը տեղեկացնի խախտման մասին, կներկայանանք և համապատասխան արձագանք կտանք: Համագործակցում ենք Շրջակա միջավայրի վերահսկողության վարչության հետ: Եթե կեղտոտված է պետական տարածքը, այդ դեպքում վնասատուն կտուգանվի»,- ասում է Միշա Մակարիձեն:

Ռուսթավելի 101 համարում ապրում է մոտ 40 ընտանիք: Նրանք միահամուռ պահանջում են պատշաճ լուծում տալ խնդրին և գյուղատնտեսությամբ զբաղվող անձանց արգելել կեղտոտել պետական տարածքը: