Համաճարակի պայմաններում թոռներին մտերմացած տատիկներն ու նրանց առօրյան

Հասարակություն

20.11.2020

Նոյեմբերի 20-ին, աշխարհի որոշ մասերում նշվում է տատիկների օրը: Համաճարակից ի վեր նրանց դերը կրկնապատկվել է երեխաներին դաստիարակելու և կրթելու գործում: Նրանից հետո, երբ դպրոցներն ու մանկապարտեզներն անցան հեռավար ռեժիմի, դասերը պատրաստելու գործընթացում աշակերտներին հաճախ օգնում են տատիկները:

Ջուլիետա Ինասարիձեն չորս թոռների տատիկ է: Նրանցից երկուսը դպրոցի աշակերտներ են, մեկը՝ մանկապարտեզի, իսկ ամենափոքրը, ութ ամսեկան է: Համաճարակի պայմաններից ելնելով, հիմա թոռներն էլ ավելի շատ ժամանակ են անցկացնում տատիկի հետ: Երբ ծնողները ժամանակ չունեն, տատիկը նրանց ուսումնական գործընթացում ակտիվ ներգրավված է:

«Թոռներիս համար հաճախ եմ կարդում գրականաություն, պատմում եմ իմ մանկության պատմություններից: Հաճախ զբաղեցնում եմ այնպիսի խաղերով, որտեղ երեխաներից մեկը հաղթող է ճանաչվում»,-պատմում է Ջուլիետա Ինասարիձեն:

Կորոնավիրուսով վարակման դեպքերի աճի պատճառով նա փորձում է մնալ տանը և պաշտպանվել համաճարակից: Հետևաբար, թոռների համար էլ ավելի շատ ժամանակ ունի: Համաճարակից առաջ Ինասարիձեների ընտանիքում ժամանակն այլ կերպ էր բախշվում: Այն օրերին, երբ ծնողներն աշխատում էին, փոքրերին խնամում էր տատիկը:

«Մինչ համաճարակը, երբ նրանց ծնողները աշխատում էին, առավոտվանից գործերս դասավորում էի: Երեխաներին հագուստ էի պատրաստում, կերակրում և դպրոց կամ մանկապարտեզ ուղարկում»:

Ջուլիետա Ինասարիձեն երեխաներին դպրոց ու մանկապարտեզ ուղարկելուց անմիջապես հետո, անցնում էր տնային գործերին: Թոռների վերադառնալուց հետո, երեխաներին տանում էր կամ մարզադաշտ, կամ բնության գիրկը:

«Թոշակառու եմ, հետևաբար ռիսկ-խմբում եմ: Նախկինում հաճախ էի գնում հարևանների կամ բարեկամների տուն: Իսկ հիմա հարազատներիս հետ կապնվում եմ միայն հեռախոսով, իսկ հարևանների հետ զրուցում եմ պատշգամբից: Հենց այսպես եմ փորձում խուսափել վարակվելուց»,- պատմում է թոշակառու կինը:

Մարիկա Ծիքարիշվիլին քաղաք Ախալցիխեի #1 մանկապարտեզի ուսուցիչն է: Նա ունի հինգ թոռնիկ, նրանցից երկուսը ուսանող են, երկուսը աշակերտ, իսկ մեկը՝ դեռ երեխա: Ջուլիետա Ինասարիձեի նման, Մարիկայի կյանքն ու առօրյան էլ փոխվեց:

«Լինելով ուսուցիչ, գնում էի աշխատանքի և կատարում իմ պարտականությունը: Ինչը ամենակարևորն է, շփում ունեի իմ փոքրիկ երեխաների հեր, ինչը միշտ մեծ հաճույք է պատճառում ինձ»,- ասում է Մարիկա Ծիքարաշվիլին:

Համաճարակի պատճառով ստեղծված իրավիճակը տատիկին շատ ավելի երկար ժամանակ է պահում թոռնիկի մոտ: Իսկ այս ժամանակը տատիկն օգտագործում է երեխաների օգտին:

Մարիկա Ծիքարիշվիլին հիմա, այնպես ինչպես մյուս ուսուցիչները, ակտիվ ներգրավված է հեռավար ուսուցման գործընթացում և փորձում է, վիդեո-ակտիվություններով զբաղեցնել ու հետաքրքրել փոքրերեին:

Մանկապարտեզի ուսուցիչները նույնպես ռիսկ-խմբում եմ, ուստի ջանասիրաբար պաշտպանվում են համաճարակից:

«Հետևում եմ մեր բժիշկների և վերադասների կողմից տրված բոլոր ցուցումներին ու հանձնարարություններին», - ասում է Մարիկա Ծիքարիշվիլին:

Մարինա Բեդնարսկան երիտասարդ տատիկ է: Նրա միակ թոռնիկը մանկապարտեզ է հաճախում: Ռիսկ-խմբում չէ, բայց մեծ պատրաստակամությանբ է փորձում պաշտպանվել համաճարակից: Այս իսկ պատճառով, տանից դուրս է գալիս միայն խիստ անհրաժեշտության դեպքում:

«Տանից դուրս գալուց, հետևում եմ բոլոր հանձնարարություններին՝ կրում բժշկական դիմակ, պահպանում սոցիալական հեռավորություն»,- ասում է Մարինա Բեդնարսկան:

Մանկապարտեզի փակումից հետո, մյուս տատիկների նման, նա նույնպես ավելի շատ ժամանակ է անցկացնում թոռնուհու հետ: Երիտասարդ տատիկը ակտիվորեն մասնակցում է երեխայի դաստիարակության ու կրթության հարցում:

«Մանկապարտեզին առաջադրանքներ են ուղարկում, ես էլ օգնում եմ, նկարներ ենք նկարում, գրքեր կարդում, մանկապարտեզի համար տեսահոլովակներ պատրաստում»:

Տատիկը երեխայի կյանքում ամենամեծ դերն է խաղում: Նա երեխային տալիս է ոչ միայն անհրաժեշտ գիտելիքներ, այլ նաև իր ամբողջ սերն ու ջերմությունը: Փոքր հասակում երեխաները հիմնականում, ամենաշատ ժամանակն անցկացնում են տատիկների գրկում:

Հրապարակվել է Վրաստանի Բաց հասարակության հիմնադրամների և Վրացական ռազմավարության ու զարգացման կենտրոնի (GCSD) ֆինանսական աջակցությամբ:Հեղինակի / հեղինակների կողմից տեղեկատվական նյութում հայտնված կարծիքը չի կարող արտացոլել հիմնադրամի և կենտրոնի դիրքորոշումը: Ըստ այդմ, «Բաց հասարակության հիմնադրամը» և «Վրացական ռազմավարության և զարգացման կենտրոնը» պատասխանատու չեն նյութի բովանդակության համար:

Հեղինակ:

Թարգմ. Սիրուշո Անտոնյան

Երկ.

Երեք.

Չոր.

Հինգ.

Ուրբ.

Շաբ.

Կիր.