Ուսումնական տարվա սկիզբը անվտանգության խիստ միջոցներով

Կրթություն

16.09.2020

Ախալցիխեի մասնավոր և հանրային դպրոցներում ուսումնական տարին պաշտոնապես համարվում է սկսված: Մունիցիպալիտետում գործող 39 դպրոցներից մի քանիսը ուսումնական գործընթացը հեռավար, մի քանիսն էլ կարող են առաջնորդվել հիբրիդային մոդելով, ինչը ենթադրում է ուսուցում ինչպես դասասենյակներում, այնպես էլ՝ հեռավար ռեժիմով: Սա չի վերաբերում 1-ից 4-րդ դասարանցիներին:

Կորոնավիրուսի համաճարակի պատճառով, 2020 ուսումնական տարին դպրոցներում վերսկսվեց այլ կերպ: Ուսումնական հաստատություններում ավանդական միջոցառումներ չեն անցկացվել: Կառույց մտնել առանց թերմոսքրինինգի չի թույլատվրում: Պանդեմիայի պատճառով, բժշկական դիմակներ պետք է կրեն ուսուցիչներն ու դպրոցի բոլոր աշխատակիցները:

Օտար անձանց մուտքն ուսումնական հաստատություն սահմանափակ է: Նրանք դպրոց մտնելու համար պետք է նախ գրանցվեն և ապա անցնեն համապատասխան ստուգում: Աշակերտները դժվարանում են համակերպվել համաճարակի արդյունքում ընդունված նոր կանոնների հետ, բայց միաժամանակ գիտակցում են, որ սա անհրաժեշտ է:

Համաճարակի ֆոնին, հատկապես բարդ իրավիճակում հայտնվեցին առաջին դասարանի աշակերտները: Ըստ ծնողների, երեխաների համար ամենաբարդ առաջադրանքը սոցիալական հեռավորություն պահպանելն է: Հույս ունեն, որ առաջին դասարանցիները ստիպված չեն լինի հեռավար կարգով սովորել, քանի որ այս ընթացքը անփորձ երեխաների համար հատկապես բարդ կլինի: Բացի սրանից, ծնողները համարում են, որ հեռավար կարգով ուսուցումն անբարենպաստ է:

«Հեռավար ուսուցման փորձ արդեն ունենք, թե ինչպես է ընթանում և սա որոշ խնդիրներ էր ստեղծում: Հաճախ անջատվում էր և ստիպված էինք կապ հաստատել ուսուցիչների հետ»,- ասում է առաջին դասարանի աշակերտի ծնող՝ Ռամազ Բերիձեն:

Ծնողները համարում են, որ դասապրոցեսը դպրոցում շարունակելը նշանակավոր է տարրական դասարանի աշակերտների համար: Ծնողներից մեկը՝ Նինո Խուցիշվիլին ասում է, որ ընդհանուր արդյունքի հասնելու համար, նրանց կողմից բոլոր անհրաժեշտ հանձնարարությունները կպաշտպանվեն: Նա նշում է, որ դպրոցի վարչակազմի ցուցումներին ծնողները վերաբերվում են լրջությամբ և պատրաստ են անել հնարավորինը, որպեսզի չվերադառնան հեռավար կարգի:

Ինչպես ասվել է կրթության նախարարությունում անցկացված մամլո ասուլիսին, 2084 հանրային դպրոցում նոր ուսումնական տարին կմեկնարկի սեպտեմբերի 15-ին և դպրոցները պետք է պաշտպանեն հետևյալ հանձնարարականները.

Աշակերտների միջև պահպանել 1 մետր հեռավորություն
Շենք մուտք գործող ցանկացած անձի համար պարտադիր է կրել շնչադիմակ, բացառությամբ աշակերտի
Շենք մուտք գործող ցանկացած անձ պետք է անցնի ախտահանիչ լուծույթով ներծծված գորգով, անցնի ջերամաչափում և ձեռքի ախտահանում
Աշակերտների մազերը պետք է լինի հավաքած
Դպրոցներում պետք է լինի շնչադիմակների պահեստ
Սանիտարական հանգույցի մշակում յուրաքանչյուր դասամիջոցին
Հերթափոխների միջև կես ժամ ընդմիջում, դասասենյակների սանիտարական մաքրում և օդափոխում
Ջերմություն կամ շնչառական խնդիրներ ունեցող աշակերտների համար ժամանակավոր մեկուսացման սենյակի հատկացում
Սենյակների օդափոխում դասաժամերի միջև դասամիջոցներին
Հաճախ շոշափելիք մակերևույթների սանիտական մշակում
Դպրոցի ընդհանուր շահագործման տարածքում (այդ թվում, միջանցք, ուսուցչանոց և այլն) գտնվող ցանկացած անձ (բացառությամբ աշակերտների) պետք է կրի շնչադիմակ, այդ թվում, դասամիջոցին:

Այն հարցում, որ ուսումնական տարին դպրոցում վերսկսելը նշանակավոր է, բոլորը համամիտ են: Ուսուցիչներն ասում են, որ աշակերտների համար օնլայն դասընթացներում ներգրավվելը բարդ է: Դպրոցի ղեկավարությունը հեռավար ուսուցումն այլևս անհրաժեշտ չի լինի, և որ 2020-2021 ուսումնական տարին կավարտվի խաղաղ:

Հրապարակվել է Վրաստանի Բաց հասարակության հիմնադրամների և Վրացական ռազմավարության ու զարգացման կենտրոնի (GCSD) ֆինանսական աջակցությամբ:Հեղինակի / հեղինակների կողմից տեղեկատվական նյութում հայտնված կարծիքը չի կարող արտացոլել հիմնադրամի և կենտրոնի դիրքորոշումը: Ըստ այդմ, «Բաց հասարակության հիմնադրամը» և «Վրացական ռազմավարության և զարգացման կենտրոնը» պատասխանատու չեն նյութի բովանդակության համար:

თეგები: դպրոց / Սեպտեմբերի 15 /

Հեղինակ:

Թարգմ. Սիրուշո Անտոյան

Երկ.

Երեք.

Չոր.

Հինգ.

Ուրբ.

Շաբ.

Կիր.