Առանց սարքավորման մարզադաշտ,անհավասար մակերևույթային խաղադաշտ և վնասված տախտակներ- Ախալցիխեի կենտրոնական մարզադաշտը մի քանի տասնյակ տարիներ է ինչ այսպես է երևում:

Նրա վերանորոգումը որոշել էին 6 տարի առաջ, սակայն նախագիծը դադարեցվել էր աշխատանքների սկսվելուց առաջ:

Ախալցխացի մարզիկ Անի Էնդելաձեն փետրվարի 3-ին Թբիլիսիի բաց առաջնորդությունում 3րդ տեղը զբաղեցրած վերադարձավ: 15-ամյա աղջիկը միջին հեռավորության վրա վազքը սկսել է 5 տարի առաջ: Նա ասում է, որ ավելի լավ կլինի, եթե ունենան վազքուղի:

« Ֆուտբոլիստների համար եթե կարևորը գնդակն է, ապա մեզ՝ վազողներիս համար վազքուղին է: Իդեալական կլիներ, եթե մարզադաշտի շուրջը վազքուղի տեղադրեին: Այսպես ավելի կհեշտանար պարապմունքը: Հիմա մակերևույթն էլ ուղիղ չէ, հնարավոր է վազելուց վնասվես»,- ասում է Անի Էնդելաձեն, ով Ախալցիխեի կենտրոնական մարզադաշտում ամեն օր, մի քանի ժամ վազում է:

«Ձյուն, անձրև, ցեխ, բոլոր եղանակներին վազում ենք: Ձմռանը արահետը սառչում է, և վազքը գրեթե անհնար է դառնում: Վտանգավոր է»,- ասում է Մարիամ Զեդգինիձեն:



Դաշտի այսպիսի անկայուն իրավիճակը մեծ խդիր է համարվում ֆուտբոլիստների համար: Գելա Մաիսուրաձեն իր 9 խմբերի հետ պարապում է տարբեր, փոքր դաշտերում:

«Գազոն ընդհանրապես չկա, այլ խմբեր որ հյուր են գալիս, երկրորդ անգամ մեր մարզադաշտում խաղալ չեն ցանկանում: Մեր տղաներն էլ շատ են տանջվում: Վերջին տարիներին ասում են որ հիմա կսկսվի վերանորոգումը, եթե իրականացնեն, հաճելի կլինի, խաղացողները մեծ դաշտերի վրա պետք է սովորեն»,- ասում է Սամցխե-Ջավախքի ֆուտբոլի ֆեդերացիայի նախագահ Գելա Միսուրաձեն:
Այս իրավիճակի մասին բողոքում են նաև հյուրընկալած խմբերի անդամները:

«Ախալցիխե եկանք հաղթելու համար: Գիտեինք որ մարզադաշտե այնպիսին չէ, ինչպես հարկն է, բայց այսպիսին էլ չէինք սպասում:Արհեստական մարզադաշտերի ենք սովորել և դժվարացանք այստեղ խաղալ, որի պատճառով չստացանք սպասելի արդյունք»,- խաղի ավարտից հետո 9-րդ ալիքի մոտ հայտարարեց «Վարկեթիլի» ֆուտբոլիստ Սերգի Քավթարաձեն:



Միխեիլ Իաձեի մարզադաշտի վերանորոգումը պլանավորում էին 2013 թվականին: Առաջին փուլում պլանավորում էին նորոգել վազքուղիները, մարզադաշտի մակերևությը, հյուրանոցը: Վերանորոգված դաշտը պետք է նմանվեր ժամանակակից մարզադաշտի:

«Մոտ օրերին տենդեր կհայտարարենք, մարզադաշտի վերանորոգման համար: 2014 թվականի հունվարից կսկսենք ախատանքները: Այդ իսկ ժամանակ մարզադաշտը պատրաստ կլինի դիմավորելու այլ խմբէրի, ինչպես նաև ծառայելու նրանց բոլոր հարկավոր սարքավորումներով»,-այս մասին հայտարարեց վազքի ֆեդերացիայի նախագահը 2013 թվականին Վրաստան այցելելու ժամանակ:

Օլիմպիական կոմիտեի եւ ճարտարապետների ներկայացուցիչները 2014 թ. Մարտին կենտրոնական մարզադաշտ էին այցելել նախագծային աշխատանքի համար:

«Տեղական բյուջեից նախատեսել էինք կես միլիոն լարի, 3 մլն եվրո կֆինանսավորեր վազքի օլիմպիական կոմիտեն, մեր փողով պետք է սկսեինք, մնացածը նրանք կանեին»,- ասում է Ախալցիխեի սակրեբուլոի այն ժամանակվա նախագահ Օլեգ Սանդրոշվիլին: Ըստ նրա ծրագիրը պատրաստ էր իրագործել:

«Մեկ տարվա ընթացքում բավականին ծավալուն ծրագիր պետք է իրագործեինք, 2014 թվականին մեր պատգամավորի իրավունքներն մոտեցան ավարտին, նա այլևս չպետք է գործեր, իսկ նոր իշխանությունը գումարը այլ ծրագրերի համար նախատեսեց: Այս ծրագրին ուշադրություն չդարձրին:Ֆեդերացիան սա տեսնելով, նույնպես մերժեց»,- ասում է Օլեգ Սանդրոշվիլին:



Ինչու՞ ընդհատվեց սկսված ծրագիրը և ե՞րբ կվերսկսեն- այս հարցերին վազքի ազգային ֆեդերացիայում չպատասխանեցին: Նրանց ներկայացուցիչը Ախալցխայում ասում է, որ այս հարցը նրանց համար դեռևս կարևոր է:

«Այս հարցը օրվա կարգում միշտ կա, պաշտոնապես որոշված չէ, սակայն որոշ բաներ ծրագրում են»,- ասում է Զիգմունդ Զիլբերշտեյնը:

Տեղական իշխանությունում էլ ասում են, որ մարզադաշտի վերանորոգման համար ոչինչ չեն ձեռնարկել:

«Մարզադաշտի հետ կապված դեռևս ոչինչ չենք ծրագրում:Նրա մոտակայքում լողավազան և սպորտային դահլիճ պետք է կառուցվի: Մարզադաշտի համար շատ գումար է անհրաժեշտ»,- ասում են Ախալցիխեի քաղաքապետարանում:

Ախալցիխեի կենտրոնական մարզադաշը հիմնականում օգտագործում են ֆուտբոլի, վազքի և րագբիի համար:Չնայած մարզադաշտի ծանր իրավիճակին, սպորտսմենները այլ երկրներից վերադառնում են հաջողություններով: