Սամցխե-Ջավախքում հայ առաքելական և կաթոլիկ եկեղեցիների հավատացյալները կրոնական իրերը վնասելու պատճառով հետաքննության արդյունքներին տարիներ է ինչ սպասում են:
Իսկ իրավապահներն ասում են, որ բնակչության մեջ գործերի հետաձգումը բնակչության մեջ անվստահություն է առաջացնում:
45 օր է, իրավապահ մարմինները փնտրում են այն անձին, ով Ախալքալաքի Խուլգումո գյուղի մատուռում վնասել են սրբապատկերներն ու այլ կրոնական իրերը: ՆԳՆ-ում ասում են, որ այս ընթացքում, հետաքննության ընթացքում հարցաքննել են բոլոր վկաներին, անցկացվել է համապարփակ փորձաքննություն: Չնայած սրան, ոստիկանությունը անգամ կասկածելի հանցագործ չեն գտել: Գործակալության տվյալներով, հետաքննչական գործողությունները շարունակվում են:
«Այս մատուռը մեզ համար շատ նշանակավոր է: Այստեղ գալիս ենք աղոթելու, միշտ ուշադիր ենք: Տանիքից ջուր էր կաթում, վերանորոգեցինք: Չեմ կարծում, որ սա քրիստոնյան կարող էր անել – ոչ հայը կաներ նման բան, ոչ էլ վրացին»,- ասում է գյուղի բնակիչ՝ Ռոմիկ Մանվելյանը:
Ներքին գործերի նախարարության Ախալքալաքի ոստիկանության բաժանմունքը հենց այդ օրը, ապրիլի 4-ին հետաքննությունը սկսել է Քրեական Օրենսգրքի 259-րդ հոդվածի առաջին մասով, որը ենթադրում է «Մշակութային ժառանգությանը կամ Վրաստանի օրենսդրությամբ պաշտպանված այլ մշակութային հուշարձաններին կանխամտածված վնաս պատճառել:
Բավականին երկար ժամանակ է, ինչ նույն գործողության «հեղինակի» պատժին են սպասում կաթոլիկ եկեղեցու հավատացյալները և հոցևոր անձինք: Մատուռի մոտ կրոնական իրերի այրման փաստով, հետաքննությունը շարունակվում է շուրջ երկու տարի եւ երկու ամիս: Գործակալությունը այս դեպքում նույնպես նշում է, որ հետաքննությունը դեռևս շարունակվում է:
«Հետաքննությունը չի ընդհատվել: Հարցաքննել են տասնյակ վկաներ, անցկացրել են բոլոր փորձաքննությունները և դատախազության համար հասանելի է ամփոփիչ որոշումը»:Սուրբ Նինոյիանվան կաթոլիկ մատուռի հարակից տարածքում, սրբապատկերները եւ աղոթքների գիրքն այրվել է 2018 թ. Մարտի 12-ին: Հետաքննությունը սկսվել է Վրաստանի քրեական օրենսգրքի 166-րդ հոդվածով, որը ենթադրում է քաղաքական, սոցիալական կամ կրոնական միավորման ստեղծման կամ նրա գործունեության խանգարումը:
«Սա պատահականություն չէր: Դուրս էին հանել և այրել գիրքը: Այստեղից էլ կասկած առաջացավ, որ միտումնավոր էին վառել: Ինչ որ մեկը սիրում է սադրանքներ»,- կասկածում է Վալեի բնակիչը:
«Վրաստանի դեմոկրատական նախաձեռնություն» հասարակական կազմակերպությունում նշում են, որ Ներքին Գործերի Նախարարությունը նմանատիպ փաստերի ժամանակին ուսումնասիրման ընթացքում կրկնակի պատասխանատվություն է կրում: Քաղաքացիական եւ քաղաքական իրավունքների ծրագրի ղեկավար Մարինե Կապանաձեն կարծում է, որ հետաքննող գործակալությունում չկա որեւէ քաղաքական ցանկություն կամ չեն տեսնում մեղավորներին պատժելու անհրաժեշտությունը:
«Սա պետական մարմինների կողմից, ճիշտ մոտեցում չէ: Երբ խոսքը վերաբերվում է այնպիսի զգայուն հարցերին, ինչպիսին են նման թեմաները, կրկնակի կարևոր է, որ ՆԳՆ-ը ավելի շատ ջանքեր գործադրի, քանի որ այս իմաստով հասարակությունում դեռեւս տոլերանտությունը չի ձևակերպվել»: