Վրաստանի դպրոցներում առաջին դասարանցիների գրանցումը կսկսվի մարտի 10-ին։

Գրանցման փուլեր՝

I փուլ (մարտի 10-21) – հատուկ կրթական կարիք ունեցող երեխաների գրանցում։ Ծնողները պետք է դիմեն ցանկալի դպրոցին, որտեղ երեխան գրանցվում է EMIS համակարգում։
II փուլ (մայիսի 2-20) – այն երեխաների գրանցում, որոնց քույրը կամ եղբայրը սովորում է տվյալ դպրոցում, որոնց ծնողը աշխատում է տվյալ դպրոցում կամ երբ ընտանիքից միաժամանակ երկու կամ ավելի երեխաներ ընդունվում են առաջին դասարան։
III փուլ (մայիսի 22 - հունիսի 17 ) – ընդհանուր առցանց գրանցում (registration.emis.ge)։
IV փուլ (հունիսի 30 - հուլիսի 15 ) – մնացած ազատ տեղերի համար գրանցում։

Պահանջվող փաստաթղթեր՝

1. Ծնողի դիմում
2. Ծնողի անձնագրի պատճեն
3. Երեխայի ծննդյան վկայագիր կամ անձնագիր

Վրաստանի կրթության նախարարությունը հորդորում է ծնողներին հետևել գրանցման ժամկետներին, որպեսզի գործընթացը պատշաճ կերպով իրականացվի։