«Գյուղատնտեսական խորհրդատվական ծառայությունը» գործում է Սամցխե-Ջավախեթիում 2007 թվականից, որի տնօրեն Գուրամ Ջինճվելաձեն ասում է, որ 17 տարիների ընթացքում կազմակերպությունն իրականացրել է մի շարք ծրագրեր՝ ուղղված ֆերմերների զարգացմանը, գյուղատնտեսության մեջ նորարարությունների և արտասահմանյան տեխնոլոգիաների ներդրմանը, ինչպես նաև էապես փոխել է դաշտն այս ուղղությամբ։

Այսպես կոչված «ռուսական օրենքի» օրինական կերպով իրականացնելուց հետո հայտնի չէ, թե կազմակերպությունը որքանով կկարողանա աջակցել ֆերմերներին և նոր տեխնոլոգիաներ ներդնել գյուղատնտեսության մեջ։ Գուրամ Ջինճվելաձեն խոսում է այն խնդիրների մասին, որոնք արդեն իսկ առաջացրել է օրենքը։
Վրաստանի խորհրդարանը մայիսի 14-ին ընդունեց այսպես կոչված «Ռուսական օրենքը»: Օրենքի համաձայն՝ ԶԼՄ-ները և հասարակական կազմակերպությունները, որոնք իրենց ֆինանսավորման 20%-ից ավելին ստանում են օտարերկրյա դոնորներից, ստիպված են գրանցվել որպես «օտարերկրյա տերության շահերը հետապնդող կազմակերպություն»: Հակառակ դեպքում նրանք կտուգանվեն։

Օրենքի ընդունումն արդեն արժանացել է արեւմտյան գործընկերների բուռն արձագանքներին։ Այսպես կոչված «Ռուսական օրենքի» ընդունման պատճառով ԱՄՆ-ը պատժամիջոցներ է սահմանել պետական պաշտոնյաների նկատմամբ:

Մի քանի օր առաջ հանրությանը հայտնի դարձավ Եվրահանձնաժողովի փաստաթուղթը, ըստ որի՝ եթե երկրում իրավիճակը չբարելավվի, ապա Եվրոպան պատժամիջոցներ կկիրառի անձնակազմի նկատմամբ, կդադարեցնի ֆինանսական օգնությունը, իսկ ծայրահեղ դեպքում՝ ժամանակավորապես կդադարեցնի առանց վիզայի ռեժիմը։ Փաստաթուղթը նախատեսում է մի կողմից կարճաժամկետ միջոցներ, մյուս կողմից՝ քայլեր, որոնք կարող են ձեռնարկվել, եթե Վրաստանում ապագայում իրավիճակը դեպի լավը չփոխվի։