Եվս մեկ եվրոպական ավիաընկերություն է մուտք գործել վրացական ավիաշուկա։ Հունական «SKY express»-ը (SKY express) շաբաթական երեք անգամ ուղիղ կանոնավոր չվերթներ է իրականացնում Աթենքից Թբիլիսի՝ Airbus A321 neo տիպի ինքնաթիռով։

Նոր ավիաընկերության մուտք գործելու կապակցությամբ Թբիլիսիի միջազգային օդանավակայանի մեկնման սրահում տեղի է ունեցել ընդունելություն, որին մասնակցել են Վրաստանի օդանավակայանների ասոցիացիայի գլխավոր տնօրեն Իրակլի Քարքաշաձեն, TAV Georgia-ի գլխավոր տնօրեն Թեա Զաքարաձեն։

«Վրաստանի ավիաշուկային միացել է ևս մեկ եվրոպական ավիաընկերություն։ «Sky Express»-ը շաբաթական երեք անգամ թռիչքներ կիրականացնի Աթենք-Թբիլիսի-Աթենք ուղղությամբ։ Բանակցությունները ընթացել են ավիաընկերության հետ համատեղ, և կարևոր է, որ մենք կարողացանք նոր ավիաընկերություն ներմուծել վրացական ավիաշուկա, ինչը զգալիորեն կհեշտացնի երկու երկրների միջև ավիահաղորդակցությունը և էլ ավելի կմեծացնի մեր կանխատեսումները ուղևորահոսքի վերաբերյալ։ Ցանկանում եմ ավիաընկերությանը մաղթել հաջողություններ, շատ ուղևորներ և անվտանգ չվերթներ», – ասել է Իրակլի Քարքաշաձեն։

«Sky Express»-ը, «Aegean Airlines»-ից և «Wizzair»-ից հետո, երրորդ ավիաընկերությունն է, որը կանոնավոր ուղիղ չվերթներ է իրականացնում Վրաստանի և Հունաստանի միջև: 2024 թվականի հունվար-հոկտեմբեր ամիսներին Թբիլիսիի և Քութաիսիի միջազգային օդանավակայաններից Հունաստան և հակառակ ուղղությամբ օգտվել է 186 782 ուղևոր։