Եվրոպացի քաղաքական գործիչների և դիվանագետների կողմից բռնի ակցիայի խաղաղ ներկայացումը միայն խրախուսում է ակցիայի մասնակիցների կողմից նոր բռնությունները,- այս մասին հայտարարել է Վրաստանի խորհրդարանի նախագահ Շալվա Պապուաշվիլին։

«Ցանկանում եմ նշել ԱՄՆ Պետդեպարտամենտի երեկվա հայտարարությունը, որտեղ մենք տեսանք կոչ ցուցարարներին՝ պահպանել ցույցի խաղաղ բնույթը։ Այս փոքրիկ նշանը ինչ-որ կերպ հուսադրող է, որ մոտ ապագայում մենք կտեսնենք նույն դիրքորոշումը, որը կկիսեն եվրոպացի դերակատարները»,- ասել է Պապուաշվիլին։

Շալվա Պապուաշվիլին ասում է, որ Վրաստանում պաշտպանված է հավաքների և ցույցերի ազատությունը։

«Ցանկացած մասշտաբի և տևողության ակցիան և բողոքը պաշտպանված են օրենքով, եթե դրանք խաղաղ են»,- ասել է Շալվա Պապուաշվիլին։