2008 թվականի օգոստոսի պատերազմի հերոսների ընտանիքները՝ կանայք և երեխաները, դատապարտում են ցանկացած տեսակի բռնություն և հրաժարում Եվրոպայից: Այս մասին հայտարարություն է տարածել պատերազմի հերոս Ալեքսանդրե Զազաշվիլիի կինը՝ սոցիալական ցանցերում։

«Սիրտս ցավում է այն ամենի համար, ինչ այսօր կատարվում է իմ երկրում։ 2008 թվականին մենք այդ սարսափելի օրերը դրա համար չանցանք, որ այսօր այս պատկերը ունենանք։ 16 տարի առաջ մեր տղաները, հայրենիքի պայծառ ապագայի և սիրո համար, ամենաթանկը՝ իրենց կյանքը տվեցին։ Այսօր իմ ուսանող որդին կանգնած է այս քաոսի մեջ, որովհետև նա ընտրում է Եվրոպան և պայծառ ապագան։ Վրաստանը եվրոպական մեծ ընտանիքի մասն է և կմնա:
Խնդրում եմ, այլևս մի՛ տանջեք մեզ։
2008 թվականի օգոստոսի պատերազմի հերոսների ընտանիքները՝ կանայք և երեխաները, դատապարտում են ցանկացած տեսակի բռնություն և հրաժարում Եվրոպայից», - գրում է Նինո Մայսուրաձեն։

Նոյեմբերի 28-ից Թբիլիսիում և այլ շրջաններում քաղաքացիների բողոքը կապված է կառավարության որոշման հետ՝ մինչև 2028 թվականի ավարտը չդիտարկել ԵՄ-ի հետ բանակցությունների հարցը։ Վարչապետը նոյեմբերի 28-ին, Եվրոպական խորհրդարանի բանաձևի ընդունումից հետո կայացած մամուլի ասուլիսի ժամանակ հայտարարեց ԵՄ-ի հետ հարաբերությունների դադարեցման մասին։